ಎಲ್ಐಸಿ ಉದ್ಯೋಗಿಗಳಿಗೆ ಭರ್ಜರಿ ಸಿಹಿ ಸುದ್ದಿ ನೀಡಿದ ಕೇಂದ್ರ ಹಣಕಾಸು ಇಲಾಖೆ
ವಿಜಯವಾಣಿ 4 years ago
ನವದೆಹಲಿ: ಭಾರತೀಯ ಜೀವ ವಿಮಾ ನಿಗಮದ ಉದ್ಯೋಗಿಗಳಿಗೆ ಕೇಂದ್ರ ಹಣಕಾಸು ಇಲಾಖೆ ಸಿಹಿ ಸುದ್ದಿ ನೀಡಿದೆ. ಎಲ್ಐಸಿ ಉದ್ಯೋಗಿಗಳಿಗೆ ಶೇ 16 ರಷ್ಟು ವೇತನ ಹೆಚ್ಚಳಕ್ಕೆ ಹಣಕಾಸು ಇಲಾಖೆಯ ಡಿಎಫ್ಎಸ್ (Department of Financial Services) ವಿಭಾಗ ಸಮ್ಮತಿ ಸೂಚಿಸಿದೆ.
ಅಲ್ಲದೇ ಎಲ್ಐಸಿ ಉದ್ಯೋಗಿಗಳಿಗೆ ಇನ್ಮುಂದೆ ವಾರದಲ್ಲಿ ಐದೇ ದಿನ ಕೆಲಸ ಮಾಡಲು ಸಮ್ಮತಿಸಿದೆ. ವಾರದಲ್ಲಿ ಐದು ದಿನ ಕೆಲಸ ಮಾತ್ರ ಎಂಬ ಬೇಡಿಕೆಯನ್ನು ಕಳೆದ ಐದು ವರ್ಷದಿಂದ ಎಲ್ಐಸಿ ನೌಕರರ ಒಕ್ಕೂಟ ಮಂಡಿಸುತ್ತಾ ಬಂದಿತ್ತು.
ಎಲ್ಐಸಿ ಷೇರು ಮಾರುಕಟ್ಟೆಯನ್ನು ಪ್ರವೇಶಿಸುತ್ತಿರುವ ಈ ಸಂದರ್ಭದಲ್ಲಿ ವೇತನ ಹೆಚ್ಚಳವಾಗಿದೆ. ಸಾಮಾನ್ಯವಾಗಿ ಐದು ವರ್ಷಕ್ಕೊಮ್ಮೆ ಮಾತ್ರ ಎಲ್ಐಸಿಯಲ್ಲಿ ವೇತನ ಹೆಚ್ಚಳ ಆಗುತ್ತಿತ್ತು. ವೇತನ ಹೆಚ್ಚಳ ಹಾಗೂ ವಾರದಲ್ಲಿ ಐದು ದಿನ ಕೆಲಸದ ಆದೇಶವನ್ನು ಆದಷ್ಟು ಶೀಘ್ರ ಜಾರಿಗೊಳಿಸಬೇಕು ಎಂದು ನೌಕರರ ಕೂಟ ಆಗ್ರಹಿಸಿದೆ.
Dailyhunt
Disclaimer: This content has not been generated, created or edited by Dailyhunt. Publisher: Vijayvani