ലൂം സോളാറിന്റെ ഷാര്‍ക്ക് സീരീസിന് കീഴില്‍ 440 വാട്ട്, 530 വാട്ട് വരെ ശേഷിയുള്ള സിംഗിള്‍ പാനലുകള്‍ പുറത്തിറക്കുന്നത് വിപ്ലവകരമായ സൂപ്പര്‍ ഹൈ എഫിഷ്യന്‍സി ഉല്‍പ്പന്നങ്ങളുടെ വിഭാഗത്തില്‍ ഇന്ത്യന്‍ സോളാര്‍ വ്യവസായത്തിന് പുതിയ മാനദണ്ഡം സൃഷ്ടിച്ചു.

ലൂം സോളാറിന്റെ ഷാര്‍ക്ക് സീരീസ് യഥാര്‍ത്ഥ മോണോ പിഇആര്‍സി സോളാര്‍ ടെക്‌നോളജിയിലാണ് അവതരിപ്പിക്കുന്നത്. 144 സോളാര്‍ സെല്ലുകള്‍, 9 ബസ് ബാറുകള്‍ എന്നിവ ലോകത്തിലെ ഏറ്റവും നൂതന സാങ്കേതിക ഉല്‍പന്നങ്ങളില്‍ ഒന്നായി ഇതിനെ മാറ്റുന്നു. ഷാര്‍ക്ക് സീരീസിന് ആറാം തലമുറ മോണോക്രിസ്റ്റലിന്‍ സോളാര്‍ സെല്‍ (പിഐഡി ഫ്രീ) പിന്തുണ നല്‍കുന്നു. കൂടാതെ രണ്ട് വേരിയന്റുകളുമുണ്ട് -ഷാര്‍ക്ക് 440 വാട്ട്- മോണോ പിഇആര്‍സി, ഷാര്‍ക്ക് ബൈ-ഫേഷ്യല്‍ 440-530 വാട്ട്.

നിലവിലുള്ള സാങ്കേതികവിദ്യകളുമായി താരതമ്യപ്പെടുത്തുമ്ബോള്‍, ഷാര്‍ക്ക് സീരീസിന്റെ കാര്യക്ഷമത 20-30 ശതമാനം കൂടുതലാണ്. ഷാര്‍ക്ക് ബൈ-ഫേഷ്യല്‍ പാനലുകള്‍ വൈദ്യുതി ഉല്‍പാദനത്തിന് ഇരുവശവും ഉപയോഗിക്കുന്നു. പ്രതിഫലനോപരിതലങ്ങളായ വൈറ്റ് പെയിന്റ്, ആര്‍സിസി റൂഫ്, ഇന്‍സ്റ്റാള്‍ ചെയ്തിരിക്കുന്ന 1.5 മീറ്റര്‍ ഉയരം എന്നിവയുടെ സഹായത്തോടെ കാര്യക്ഷമത വര്‍ധിപ്പിക്കുകയും ചെയ്യുന്നു.

സുസ്ഥിരമായ ഗവേഷണവും വികസനവുമായി നൂതന സാങ്കേതികവിദ്യകള്‍ അവതരിപ്പിക്കാന്‍ ലൂം സോളാര്‍ പ്രതിജ്ഞാബദ്ധമാണ്. സൂപ്പര്‍ ഹൈ എഫിഷ്യന്‍സി ഷാര്‍ക്ക് സീരീസിന്റെ സമാരംഭം സോളാര്‍ അധിഷ്ഠിത വൈദ്യുതി ഉപയോഗിച്ച്‌ ആയിരക്കണക്കിന് കുടുംബങ്ങളെ ശാക്തീകരിക്കാനുള്ള ഞങ്ങളുടെ ശ്രമങ്ങളുടെ തെളിവാണ്. ഞങ്ങളുടെ ശ്രമങ്ങള്‍ ഉയര്‍ത്തിപ്പിടിക്കുകയും ലോകോത്തര നൂതന ഉല്‍പ്പന്നങ്ങള്‍ അവതരിപ്പിക്കുന്നത് തുടരുകയും ചെയ്യും- ലൂം സോളാറിന്റെ സഹസ്ഥാപകനും ഡയറക്ടറുമായ അമോല്‍ ആനന്ദ് പറഞ്ഞു.

ലൂം സോളാറിന്റെ ഷാര്‍ക്ക് ബൈ-ഫേഷ്യല്‍ മേല്‍ക്കൂരയില്‍ 33 ശതമാനം സ്ഥലം ലാഭിക്കാന്‍ സഹായിക്കുന്നു. ആ സ്ഥലം മറ്റേതെങ്കിലും ആവശ്യങ്ങള്‍ക്കോ അല്ലെങ്കില്‍ മൊത്തത്തിലുള്ള ശേഷി വര്‍ധിപ്പിക്കാനോ ഉപയോഗിക്കാം. ഉയരമുള്ള അപ്പാര്‍ട്ട്‌മെന്റുകള്‍ ഉള്‍പ്പെടെ പരിമിതമായ ഇടങ്ങളുള്ള വീടുകള്‍ക്ക് ഇത് സഹായമാണ്. സാങ്കേതിക സവിശേഷതകള്‍ https://www.loomsolar.com/products/shark-bifacial-front-back-power-generation-solar-panel എന്ന ലിങ്കില്‍ പരിശോധിക്കാവുന്നതാണ്.

ലൂം സോളാറിന്റെ ഷാര്‍ക്ക് സീരീസ് സൗരോര്‍ജ്ജം ഉപയോഗപ്പെടുത്തി ഹരിത വൈദ്യുതി ഉല്‍പാദനത്തെ പിന്തുണക്കുന്നതിന് സഹായിക്കുന്നു. അതുവഴി ഗാര്‍ഹിക തലത്തില്‍ വൈദ്യുതോല്‍പാദന സമയത്ത് കാര്‍ബണ്‍ ഫുട്പ്രിന്റ് കുറക്കുന്നു. രാജ്യത്തിന്റെ സുസ്ഥിര വികസന നയങ്ങളെ ശുദ്ധവും പുനരുല്‍പ്പാദിപ്പിക്കാവുന്നതുമായ ഊര്‍ജ്ജത്തിലൂടെ അഭിസംബോധന ചെയ്യാന്‍ ലൂം സോളാര്‍ ഇതിനകം ആയിരക്കണക്കിന് കുടുംബങ്ങളെ പ്രാപ്തരാക്കിക്കഴിഞ്ഞു.

ലൂം സോളാര്‍ ബൈഫേഷ്യല്‍ സോളാര്‍ പാനലിന്റെ പ്രധാന സവിശേഷതകള്‍, 440 - 530 വാട്ട്, 144 സെല്ലുകള്‍, 9 ബസ് ബാര്‍ :

1. ഇത് ഇരുവശത്തുനിന്നും (മുന്നിലും പിന്നിലും) വൈദ്യുതി ഉത്പാദിപ്പിക്കുന്നു.

2. ഇത് ഏറ്റവും ഉയര്‍ന്ന വാട്ടേജ് സോളാര്‍ പാനലായതിനാല്‍ ഇന്‍സ്റ്റാളേഷന്‍ ചെലവ് കുറക്കുന്നു-സ്റ്റാന്‍ഡ്, സിവില്‍ ജോലികള്‍, വയറുകള്‍, കണക്ടറുകള്‍.

3. പ്രതിഫലനോപരിതലം അനുസരിച്ച്‌ വൈദ്യുതി ഉല്‍പാദനം 440 വാട്ട് മുതല്‍ 530 വാട്ട് വരെയാകാം.

4. ആറാം തലമുറ മോണോക്രിസ്റ്റലിന്‍ സോളാര്‍ സെല്‍ ഉപയോഗിക്കുന്നതിനാല്‍ ഡീഗ്രഡേഷന്‍ സാധ്യത കുറക്കുന്നു.