ডিজিটেল ডেস্ক: আজিৰ যুগত বিয়া মানেই বিলাসিতা, আড়ম্বৰ আৰু কোটি কোটি টকাৰ অপচয়। বিশেষকৈ ধনী ব্যৱসায়ী আৰু চেলিব্ৰেটীসকলৰ মাজত গন্তব্য বিয়া(ডেছটিনেশ্যন ৱেডিং) আৰু বিশাল আয়োজনৰ প্ৰতিযোগিতা দিনক দিনে বৃদ্ধি পাইছে। কিন্তু এই আড়ম্বৰ আৰু অপব্যয়ৰ মাজতে ভাৰতৰ এজন ব্যৱসায়ীয়ে দেখুৱালে মানৱতাৰ এক উজ্জ্বল নিদৰ্শন।
কোন এই ব্যৱসায়ী ?
আমি অজয় মুনোট নামৰ এজন ভাৰতীয় ব্যৱসায়ীৰ প্ৰেৰণাদায়ক কাহিনীৰ কথা কৈছো। ২০১৬ চনত কন্যাৰ এই আড়ম্বৰপূৰ্ণ বিয়াত প্ৰায় ₹৮০ লাখ টকা খৰচ কৰাৰ পৰিৱৰ্তে তেওঁ নিজৰ সমগ্ৰ বিয়াৰ ধন দান কৰি ঔৰংগাবাদৰ স্থানীয় গৃহহীন পৰিয়ালৰ বাবে ৯০টা সৰু সৰু ঘৰ নিৰ্মাণ কৰিছিল। পূব ভাৰতৰ ঘেঁহু আৰু বস্ত্ৰৰ পাইকাৰী বিক্ৰেতা অজয় মুনোটে নিজৰ অঞ্চলৰ আৰ্তজনক সহায় কৰাৰ উদ্দেশ্যে গৃহহীন লোকসকলক ৯০টা ঘৰ দান কৰে।
ঔৰংগাবাদৰ ব্যৱসায়ী অজয় মুনোটে ২০১৬ চনত কন্যাৰ বিয়াত টকা ব্যয় কৰাৰ পৰিৱৰ্তে প্ৰায় ৮০ লাখ টকাৰে দুখীয়া আৰু গৃহহীন লোকসকলৰ কল্যাণত ব্যয় কৰি সমাজত এক ব্যতিক্ৰমী উদাহৰণ স্থাপন কৰে। তেওঁ ঔৰংগাবাদৰ গৃহহীন ৯০টা পৰিয়ালৰ বাবে সৰু সৰু কিন্তু সু-সজ্জিত ঘৰ নিৰ্মাণ কৰি দান কৰে।
পূব ভাৰতৰ পাইকাৰী ঘেঁহু আৰু বস্ত্ৰ ব্যৱসায়ী হিচাপে পৰিচিত অজয় মুনোটে নিজৰ সমাজৰ আৰ্তজনৰ কষ্ট অনুভৱ কৰি এই মহৎ পদক্ষেপ গ্ৰহণ কৰে। তেওঁৰ কন্যাইও পিতৃৰ এই সিদ্ধান্তক সম্পূৰ্ণ সমৰ্থন জনায়। বিয়াৰ পিছতেই দৰা-কইনাই নিজ হাতেৰে নতুন ঘৰসমূহৰ চাবি বাসিন্দাসকলৰ হাতত তুলি দিয়ে।
এই ঘৰসমূহত উপযুক্ত বিদ্যুৎ, পানী আৰু বায়ু চলাচলৰ সুবিধা উপলব্ধ আছে। যাৰ ফলত বহু পৰিয়ালে নতুন জীৱনৰ আশা লাভ কৰিছে। মুনোটে ব্যক্তিগতভাৱে স্থানীয় বস্তিবোৰ পৰিদৰ্শন কৰি প্রকৃত প্ৰয়োজনীয় পৰিয়ালসমূহ বাছনি কৰি প্ৰথমে ১০৮টা ঘৰ নিৰ্মাণৰ পৰিকল্পনা কৰে যদিও বিয়াৰ সময়লৈকে ৯০টা ঘৰ সম্পূৰ্ণ হয়।
এই সিদ্ধান্ত সন্দৰ্ভত অজয় মুনোটে কয়, যিসকল মানুহে ঈশ্বৰৰ কৃপাৰে ধন-সম্পত্তি লাভ কৰিছে, তেওঁলোকে সমাজৰ দুখীয়া মানুহৰ লগত সেই সম্পদ ভাগ-বতৰা কৰিব লাগে। তেতিয়াহে সমাজৰ সকলো স্তৰৰ মানুহে সন্মান আৰু স্বাভাৱিক জীৱন লাভকৰিব পাৰিব। তেওঁ লগতে আশা প্ৰকাশ কৰে যে সমাজৰ আন ধনী লোকসকলেও এই ধৰণৰ মানৱীয় চিন্তাধাৰা গ্ৰহণ কৰি সমাজ কল্যাণমূলক কামত আগবাঢ়ি আহিব।