SHILLONG: Mawryngkneng-ni Nongdawah-o apsan nangrime dal·begipa programme-ko BJP East Khasi Hills District ong·ataha. Ia programme-o dingtang dingtang political party-rangoni bang·a ritcha membor-rang aro dilgiparang Bharatiya Janata Party (BJP)-o bakrimangaha.
Programme-ni somoio, gital seoka man·gipa Mandal President Rimanbha Mukhim-ko District President-chi mande ra·aha aro uni mikkangchi dilanina aro daitoko jako ra·anganina una nama skaniko on·angaha.
Mawryngkneng dakgipa constutiency-rango BJP dolna chakpagiparang bang·batrikrikengaha iachin songadam songrango party-ko ra·chakanirang batrikrikenganiko nikna man·engaha jeon songjinma a·jarangko nisusaatode ian jatni dakbewalrango dongkamaniko nikna man·a ine tom·bagipa manderangna Priambada Blah talatangaha.
Mawryngkneng constituency-oni susaana dingtang dingtang mongsonggipa manderang gisiko nangenga, party-ni nikjumangsoani aro dilani ning·o ka·dongbatanirang baririkrikengako nikna man·engaha ine ua agandapangaha.
Party-ni dilgiparang bakrobegipa ramarangko songrena nanga basakode songadam biaprango party worker saksa mangmang baksa bakrimnaba konta 3-na batgipa ramarangko songrebana nanga, ine party worker-rangko District President de·mittele aganaha. Party-ko bilakdapatna a·gipi dilgiparang aro ja·dil ja·pangoni worker-rangni jotton ka·aniko ua de·mittele aganangaha.