April 24 tariko Education-ni Minister Lahkmen Rymbui aro Education Department-ni Commissioner and Secrtary-na on·gipa memorandum-o foundation, sorkari aro private institution-rang ge·gnion regulatory framework-ko donchina mol·molaha.
Uni gisepon foundation, Meghalaya Educational Institutions (Regulation of Admission and Prohibition of Capitation Fee) Act, 2026-ko Meghalaya Admission and Fee Regulatory Commission Rules, 2026-ba donchina agan-ku·pattiaha.
Institution-rango uniform ba apsangipa regulatory ba niamrang dongjani a·sel admission-o parak ong·ani dongja, fees-ko jringna bariatronga, jeni a·sel poraigipa aro poraigiparangni ma·a-paarang neng·nikao chagrongna nanga.
Uandake iarangko nirokna gita commission-ko songaon, commission-na a·dokni gimik schools, college aro universities-ni admission, fee structure-ko nirokna gita bilko on·china aganaha.
Gipin a·dokrangode iandakgipa statutory body-rang donga ine janape foundation, Meghalaya-oba iandakgipa niamrangko donchina nangnikaniko janapaha.
Uandake foundation, educational institution-rangna nangnikgipa regulatory framework-ko tarianio sorkarina dakchakna sikanikoba aganaha.