AMPATI: Rangsakona Assembly Contituency-ni MLA Subir Marak, Bristibar salo, South West Garo Hills a·jani, Additional Deputy Commissioner Dolrich Berin G. Momin, Rerapara Block-ni Block Development Officer Cheman D. Shira.
PWD-ni Additional Chief Engineer Markhia Karnoir aro Public Work Department (PWD)-ni gipin Official-rang baksa, Tura-oni Garobadha-ona dakanggipa North Eastern Council (NEC) ramarangko re·roroe nirokangaha.
South West Garo Hills aro a·kawe jolrango donggipa chong·motan, Selsella, Rajabala Pulbari aro gipin songrangni game ge·e cha·giparangna, bading-chiwale cha·giparangna aro janggi tangani gipin cholrangko ka·e rim·e cha·anio ian mongsonggipa rama ong·a ine Marak aganaha. Uni gisepon NEC ramrangko nirokaniko dakani somoio, ramarang namsrangjaha aro iarangni a·selan bading-chiwalaniko dakanio, salantio dingtang dingtang nangchongmotgipa kamrangna re·ruraanio jolo songdongenggipa manderang bang·a neng·nikarangkoba man·a nangenga ine ma·sina man·aha ine Marak aganaha.
Indake ong·engon, MLA Marak, PWD-ni Official-na u·iatangenba, South Garo Hills a·jao donggipa dingtang dingtang jolrango salanti janggi tangani cholrangko namdapatanina aro a·jao namroro silroroaniko ra·baanina ia ramarangko taripile on·a gita DPR-ko tarichina aro ta·rake kamrangko a·bachengatna man·a gita sorkarina seng·gnangan proposal-ko on·china didiangaha.