AMPATI: South West Garo Hills a·jao kam sandienggipa chadamberangna kam ka·e cha·ani cholrangko on·na, karkanarango nanganirangko ma·sie ra·na aro dingtang dingtang janggi tangani cholrangko name nie ra·na cholko on·na gita Recruitment Drive Phase-II-ko ong·atnasienga.
Iani bidingo South West Garo Hills a·jani chadamberangna u·iataniko on·angengon, ia recruitment drive-ni gamchatgipa ong·ani bidingo talataniko on·angenba, an·tangtangni namgnina ia cholko ra·china South West Garo Hills a·jani Deputy Commissioner didiataha.
Deputy Commissioner-ni parakatani gitade, ia Recruitment Drive-ko ong·atani miksonganiara, chadamberangni changa sapani aro kam ka·e cha·ani cholrango kolgapgijanirangko kolgapatna aro jakni kamrangko changgipa sapgipa chadamberangna an·tangtangni changa sapanirangko mesoke, kamrangko on·na miksonganian ong·enga.
South West Garo Hills a·jani chadamberangko, mongsongbate kam sandidaldalenggipa chadamberangko aro jakni kamrangko changgipa sapgipa chadamberangko, an·tangtangko tarisamsoenba, ia recruitment drive-o bak ra·echina gitaba Deputy Commissioner didiataha.
Ia Recruitment Drive-Phase II-o gisik nangenggipa chadambe sakantikon, an·tangtangni nanggipa lekkarangko tarisamsochina aro an·tangtangna kragipa kamrangko nie ra·na gita ia cholko ra·e ia recruitment drive-o bak ra·echina gitaba Deputy Commissioner didiataha.