Mikka balwa rakani somoirango dakna nanggni aro nanggijanirangko u·iatengon, nokni gamchatgipa bosturangko naljokgipa biapo donchina aro radio, torch light battery, mombati, dislai, aro chi rongtalatgipa samrangko tarie donchina DDMA u·iataha.
Nok-jamrangko insurance dakchina u·iatengon, noko jila kaanirang, jekai matchu do·bok aro uandakgiparangko chu·onga gita chi aro jeng donggipa aro naljokgipa biaprangona moange donchina DDMA u·iataha. Balwa ta·rakna sienggipani bidingo ba balminduri balanirangko kobor ra·na gita pangnan radio knatimchina gitaba DDMA u·iataha.
Mikrakatanirangko man·on, naljoknagipa biaprango chu·onga gita ringani chi, cha·ani aro torangko donchina gitaba DDMA u·iataha.
Balwa ta·rakmiting somoirango man·pakna altugipa bosturang, jekai tin, board aro uandakgipa bosturangko name kae donchina gitaba DDMA mikrakataha.
Balwa ta·rakani somoirango do·ga aro kelkirang nosto ong·atako man·rongani gimin pangnan balwa ta·rakon do·ga aro kelkirangko chipe donchina gitaba DDMA u·iataha. Balmindurirang balon, songo noko jinmani tik ka·gimin biaprangona re·ange dongchina gitaba DDMA u·iataha.
Mikka balwa rakmiting somoirango skatang a·palchi ong·katjachina gitaba DDMA mikrakataniko on·angaha.
Samrangko ringengon, oko mamingba cha·ani ringani gri ringjachina aro expire ba somoi batgimin samrangko ringjachina gitaba DDMA mikrakataha. Samrangko ringna skang pangnan an·seng baljokaniko on·na kam ka·enggipa manderango sing·cheng sanchengchina gitaba DDMA u·iataha.
Tol·gipa koborrangko name talchenggija gipatjachina aro an·tangtangba bebera·jachina gitaba DDMA-ni Chairman aro Deputy Commissioner, mikrakataniko on·ataha.