રજત પાટીદાર IPL 2026ની 61મી મેચમાં રોયલ ચેલેન્જર્સ બેંગ્લોર તરફથી રમી રહ્યો નથી. આ મેચ પંજાબ કિંગ્સ અને RCB બંને માટે મહત્વપૂર્ણ છે. રજત પાટીદારના સ્થાને વિકેટકીપર-બેટ્સમેન જીતેશ શર્મા બેંગ્લોર ટીમનું નેતૃત્વ કરી રહ્યો છે. IPL 2026માં પાટીદાર પહેલી વાર મેચમાંથી બહાર થયો છે.

રજત પાટીદાર કેમ નથી રમી રહ્યો?

રોયલ ચેલેન્જર્સ બેંગ્લોરના નિયમિત કેપ્ટન રજત પાટીદાર ઈજાને કારણે પંજાબ કિંગ્સ સામેની મેચમાંથી બહાર થઈ ગયો છે.

ટોસ સમયે જીતેશ શર્મા આરસીબીનું પ્રતિનિધિત્વ કરવા માટે મેદાનમાં ઉતર્યા હતા. તેમણે જાહેરાત કરી હતી કે રજત આગામી મેચ માટે ટીમમાં જોડાશે અને 22 મેના રોજ સનરાઇઝર્સ હૈદરાબાદ સામે રમવાની અપેક્ષા છે. રજતના સ્થાને સુયશ શર્માનો પ્લેઇંગ ઇલેવનમાં સમાવેશ કરવામાં આવ્યો છે. પંજાબે ટોસ જીતીને પ્રથમ બોલિંગ કરવાનો નિર્ણય લીધો.

આરસીબીની પ્લેઇંગ ઇલેવન: જેકબ બેથેલ, વિરાટ કોહલી, દેવદત્ત પડિકલ, વેંકટેશ ઐયર, જીતેશ શર્મા (વિકેટકીપર/કેપ્ટન), ટિમ ડેવિડ, રોમારિયો શેફર્ડ, કૃણાલ પંડ્યા, ભુવનેશ્વર કુમાર, જોશ હેઝલવુડ, સુયશ શર્મા

આ પહેલી વાર નથી જ્યારે જીતેશ શર્મા બેંગલુરુ ટીમનું નેતૃત્વ કરી રહ્યા છે. તેમણે અગાઉ IPL 2025 માં લખનૌ સુપર જાયન્ટ્સ સામે ટીમનું નેતૃત્વ કર્યું હતું. તે મેચમાં, જીતેશે 33 બોલમાં 85 રનની ધમાકેદાર ઇનિંગ રમી, જેનાથી બેંગલુરુ 227 રનના વિશાળ લક્ષ્‍યનો પીછો કરવામાં મદદ કરી.