Friday, 23 Apr, 10.51 am આજકાલ

હોમ
ભારતે કોરોના વિરુદ્ધ લડાઈ બહુ લાંબા સમય સુધી લડવી પડશે: નિષ્ણાંતોની ચેતવણી

ભારતમાં કોરોના સંક્રમણ સિઝનલ વાયરલની જેમ રહેશે: જ્યાં સુધી વાયરસનો ખાતમો કરતી ઓરલ દવા નહીં મળે, વિશ્વ આખુ કોરોના સામે ઝઝૂમતુ રહેશે

ભારતમાં કોરોનાની બીજી લહેર વચ્ચે ઓક્સિજન અને દવાઓના અછતના પડકારો ઉભા થયા છે. જેની સામે કેન્દ્ર અને રાજ્ય સરકારો ઝઝૂમી રહી છે. એવામાં ભારતની પરિસ્થિતિને લઇને આરોગ્ય નિષ્ણાંતોનું માનવુ છે કે ભારતે ઓછામાં ઓછી બેથી ત્રણ વર્ષ સુધી કોરોના વિરુદ્ધ જંગ લડવાની તૈયારી કરવી પડશે.


આરોગ્ય નિષ્ણાંતોનું માનવુ છે કે જ્યાં સુધી દેશમાં એવી ઓરલ દવા ઉપલબ્ધ નહીં થાય જે વાયરસને ખતમ કરે ત્યાં સુધી દેશે લાંબી લડાઇ લડવી પડશે. તેમના મત મુજબ ભારતે આ માટે 2થી3 વર્ષની તૈયારી કરવી પડશે, કારણકે આ મહામારી એક વાયરલ બીમારીની જેમ રહેશે એવી સંભાવના છે. અહીં સુધી કે આગામી વર્ષોમાં કોરોના વાયરસ જોરદાર પ્રહારો કરે એવી આશંકાઓને પણ નકારી શકાય એમ નથી.

આરોગ્ય નિષ્ણાંતોએ વર્તમાન સ્થિતિને લઇને સલાહ આપી છે કે, કોવિડ ગાઇડલાઇન જેમ કે માસ્કનો ફરજીયાત ઉપયોગ, હાથ ધોતા રહેવુ અને સોશિયલ ડિસ્ટેન્સિંગ જેવા નિયમોને જીવનના એક ભાગ બનાવી લેવો જોઇએ. જેથી એકહદ સુધી આ ઘાતક સંક્રમણ સામે રક્ષણ મેળવી શકાય.

આ દરમિયાન કેટલાક આરોગ્ય નિષ્ણાંતોનું માનવુ છે કે, કોરોના મહામારી સામે કોઇપણ દેશ માટે એકમાત્ર વિકલ્પ રસીકરણ છે. જેથી મહમારીની ગંભીરતાને અટકાવી શકાય.

નોંધનીય છે કે, દેશમાં કોરોના સંક્રમણની બીજી લહેર ઘાતક સાબિત થઇ છે, જેના ભરડામાં સમગ્ર દેશ બેહાલ બન્યો છે. દેશમાં દૈનિક સ્તરે સંક્રમણના નવા કેસ અને સંક્રમણથી થતાં મૃત્યુદરમાં સતત વધારો થઇ રહ્યો છે. એવામાં નિષ્ણાંતોની આ ચેતવણી આવનારા કપરા સમયના સંકેત આપી રહી છે.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Aajkaal Gujarati
Top