Best mileage cars India: આજકાલ નવી કાર ખરીદતી વખતે લોકો માત્ર તેનો લુક કે એન્જિન પાવર જ નથી જોતા, પરંતુ સૌથી પહેલો સવાલ એ પૂછે છે કે "આ કાર માઇલેજ કેટલું આપે છે?". પેટ્રોલ અને CNG ના ભાવ આસમાને પહોંચી ગયા હોવાથી, હવે ઓછો ખર્ચ કરાવતી અને ખિસ્સાને પરવડે તેવી કારની ડિમાન્ડ ખૂબ વધી ગઈ છે. જો તમે પણ ₹10 લાખ સુધીના બજેટમાં નવી કાર લેવાનું વિચારી રહ્યા છો અને રોજનું 40 થી 50 કિલોમીટરનું ડ્રાઇવિંગ છે, તો બજારમાં એવી ઘણી કાર ઉપલબ્ધ છે જે તમને દર મહિને હજારો રૂપિયાની બચત કરાવી શકે છે.
ચાલો જાણીએ એવી જ કેટલીક બેસ્ટ માઇલેજ આપતી કાર વિશે.
મારુતિની કાર માઇલેજમાં સૌથી આગળ
જ્યારે પણ માઇલેજની વાત આવે છે, ત્યારે ભારતમાં મારુતિ સુઝુકીનું નામ સૌથી પહેલા લેવાય છે. ખાસ કરીને મારુતિ સેલેરિયો (Maruti Celerio) તેની જોરદાર ફ્યુઅલ એફિશિયન્સી માટે જાણીતી છે. કંપનીના દાવા મુજબ, આ કાર પેટ્રોલ પર 26.68 kmpl ની માઇલેજ આપે છે. જો તમે તેનું CNG મોડેલ પસંદ કરો છો, તો તમને 34.47 km/kg ની માઇલેજ મળશે. એટલે કે, આ કાર ચલાવવાનો ખર્ચ પ્રતિ કિલોમીટર માત્ર ₹2.68 આવે છે! જે લોકો રોજિંદી મુસાફરી કરે છે તેમના માટે આ બેસ્ટ ઓપ્શન છે.
આ ઉપરાંત, જો તમને થોડી વધુ કેબિન સ્પેસ જોઈતી હોય, તો મારુતિ વેગનઆર (WagonR) પણ ઉત્તમ વિકલ્પ બની શકે છે. ફેમિલી માટે લોકપ્રિય એવી આ કારના CNG મોડેલનો રનિંગ કોસ્ટ પ્રતિ કિલોમીટર માત્ર ₹2.75 આવે છે.
સ્વિફ્ટ અને ટિયાગો પણ છે શાનદાર વિકલ્પ
જો તમને સ્પોર્ટી લુકની સાથે સારી માઇલેજ જોઈતી હોય, તો નવી પેઢીની મારુતિ સ્વિફ્ટ (Swift) પર નજર કરી શકો છો. નવા Z-સિરીઝ એન્જિન સાથે આવતી આ કાર 25.75 kmpl સુધીની માઇલેજ આપે છે, અને તેનો પેટ્રોલનો રનિંગ કોસ્ટ લગભગ ₹5.26 પ્રતિ કિલોમીટર પડે છે. આ સિવાય, ટાટા મોટર્સની ટાટા ટિયાગો iCNG (Tata Tiago iCNG) પણ એક જબરદસ્ત વિકલ્પ છે. આ કાર 26.49 km/kg ની માઇલેજ આપે છે અને તેનો પ્રતિ કિલોમીટર ચલાવવાનો ખર્ચ માત્ર ₹3.40 આવે છે.
BYD ની નવી ઇલેક્ટ્રિક કાર લોન્ચ: સિંગલ ચાર્જમાં 900 km રેન્જ, રોલ્સ રોયસ જેવી લક્ઝરી
કાર ખરીદતી વખતે માત્ર માઇલેજ જ ન જુઓ
ભલે આ કારો લાંબા ગાળે આર્થિક રીતે ફાયદાકારક હોય, પરંતુ ઓટો એક્સપર્ટ્સની સલાહ છે કે કાર ખરીદતી વખતે માત્ર માઇલેજને જ અંતિમ નિર્ણય ન માનવો જોઈએ. કારમાં મળતા સેફ્ટી ફીચર્સ (સલામતી), કંપનીનું સર્વિસ નેટવર્ક, મેન્ટેનન્સ ખર્ચ અને રિસેલ વેલ્યુ પણ એટલા જ મહત્વના છે. ઘણી વખત થોડી ઓછી માઇલેજ આપતી કાર સુરક્ષા અને સુવિધાઓની દ્રષ્ટિએ વધુ બહેતર સાબિત થતી હોય છે. તેથી તમારી જરૂરિયાતોને ધ્યાનમાં રાખીને જ યોગ્ય કાર પસંદ કરવી હિતાવહ છે.
એક ચાર્જમાં 400 KM! હ્યુન્ડાઇ-કિયાની નવી ઇલેક્ટ્રિક કાર બજારમાં મચાવશે ધૂમ
Author : gujarati.abplive.com