બીજી તરફ RCB પોતાની છઠ્ઠી જીત નોંધાવવા ઈચ્છશે. બંને ટીમો 7-7 મેચ રમી ચૂકી છે. આ મેચોમાં દિલ્હીએ 3 માં જીત મેળવી છે અને 4 માં હારનો સામનો કરવો પડ્યો છે. જ્યારે બેંગ્લોરે 5 મેચ જીતી છે અને માત્ર 2 ગુમાવી છે. આવી સ્થિતિમાં, ચાલો જાણીએ કે આજની મેચમાં કઈ ટીમ બાજી મારી શકે છે.

દિલ્હી કેપિટલ્સ વિરુદ્ધ રોયલ ચેલેન્જર્સ બેંગ્લોર હેડ ટુ હેડ

દિલ્હી અને બેંગ્લોર વચ્ચે અત્યાર સુધી 34 મુકાબલા રમાયા છે. આ મેચોમાં બેંગ્લોરે સરસાઈ મેળવતા 20 માં જીત નોંધાવી છે. દિલ્હીએ 13 મેચ પોતાના નામે કરી છે. બંને વચ્ચે બાકીની એક મેચ અનિર્ણિત રહી છે. તમને જણાવી દઈએ કે આ સીઝનમાં બંને વચ્ચે આ બીજી ટક્કર હશે. પ્રથમ મેચ બેંગ્લોરના એમ ચિન્નાસ્વામી સ્ટેડિયમમાં રમાઈ હતી, જેમાં દિલ્હીએ 6 વિકેટે જીત મેળવી હતી.