Homemade Floor Cleaner: ઘરમાં સાફ-સફાઈ દરમિયાન પોતા કરવા એ રોજિંદું કામ છે, પરંતુ ઘણીવાર સારી રીતે સફાઈ કર્યા પછી પણ ફ્લોર ઝાંખું દેખાય છે અથવા થોડી જ વારમાં તેમાંથી દુર્ગંધ આવવા લાગે છે. જો તમે ઈચ્છો છો કે તમારું ઘર માત્ર સાફ જ નહીં પરંતુ ચમકદાર અને સુગંધિત પણ દેખાય, તો તમે પોતા કરવાના પાણીમાં કેટલીક સરળ ઘરેલું વસ્તુઓ ઉમેરીને મોટો તફાવત લાવી શકો છો.
આ વસ્તુઓ મોંઘા ક્લીનરની જગ્યાએ પણ કામ કરી શકે છે અને ફ્લોરને ચમકદાર બનાવવામાં મદદ કરે છે.
સફેદ વિનેગર (સરકો)
જો ફ્લોર પર કઠોર ડાઘ, ચીકાશ કે ગંદકી જામી ગઈ હોય, તો સફેદ વિનેગર ખૂબ જ ઉપયોગી સાબિત થઈ શકે છે. તે એક કુદરતી ક્લીનરની જેમ કામ કરે છે અને ફ્લોર પર જામેલા મેલને દૂર કરવામાં મદદ કરે છે. પોતા કરવાના પાણીમાં થોડું સફેદ વિનેગર ઉમેરવાથી ફ્લોર સાફ અને ચમકદાર દેખાવા લાગે છે. શરૂઆતમાં આની હળવી ગંધ આવી શકે છે, પરંતુ ફ્લોર સુકાઈ ગયા પછી તે આપોઆપ ગાયબ થઈ જાય છે.
...માત્ર 30 દિવસ માટે ખાંડ છોડી જુઓ; શરીરમાં જે અકલ્પનીય ફેરફાર થશે તે જાણી ચોંકી જશો!
બેકિંગ સોડા
જો ઘરમાં કોઈ જગ્યાએથી દુર્ગંધ આવતી હોય અથવા ફ્લોર પર જૂના ડાઘ હોય, તો બેકિંગ સોડાનો ઉપયોગ કરી શકાય છે. તે હળવા સ્ક્રબની જેમ કામ કરે છે અને ફ્લોરને નુકસાન પહોંચાડ્યા વિના ગંદકી સાફ કરવામાં મદદ કરે છે. તેને પહેલા થોડા પાણીમાં સારી રીતે ઓગાળી લો અને પછી પોતા કરવાના પાણીમાં ઉમેરો. આનાથી સફાઈ વધુ સારી થઈ શકે છે.
લીંબુનો રસ
લીંબુનો રસ પણ ફ્લોરની સફાઈ માટે એક સારો ઘરેલું ઉપાય માનવામાં આવે છે. તેમાં રહેલા કુદરતી તત્વો ડાઘ દૂર કરવામાં મદદ કરે છે અને ફ્લોરને ચમકદાર બનાવી શકે છે. સાથે જ ઘરમાં તાજગીભરી સાઇટ્રસ સુગંધ પણ ફેલાઈ જાય છે. પોતા કરવાના પાણીમાં બે થી ત્રણ ચમચી લીંબુનો રસ ઉમેરીને ઉપયોગ કરી શકાય છે.
એસિન્શિયલ ઓઇલ (Essential Oil)
જો તમે ઈચ્છો છો કે સફાઈ કર્યા પછી ઘર લાંબા સમય સુધી સુગંધિત રહે, તો પોતા કરવાના પાણીમાં એસિન્શિયલ ઓઇલના થોડા ટીપાં નાખી શકો છો. લેવેન્ડર, પેપરમિન્ટ, યુકેલિપ્ટસ કે લેમન ઓઇલ જેવા વિકલ્પો સારી સુગંધ આપવાની સાથે સફાઈના અનુભવને પણ વધુ સારો બનાવે છે. આનાથી ઘરમાં લાંબા સમય સુધી તાજગીનો અહેસાસ જળવાઈ રહે છે.
મીઠું
મીઠું માત્ર ખોરાકનો સ્વાદ વધારવા માટે જ નહીં, પરંતુ સફાઈમાં પણ ઉપયોગી માનવામાં આવે છે. પોતા કરવાના પાણીમાં એક ચમચી મીઠું ઉમેરવાથી ફ્લોરની સફાઈ વધુ સારી રીતે થઈ શકે છે. એવું માનવામાં આવે છે કે તે કીટાણુઓને ઓછા કરવામાં મદદ કરે છે અને કીડીઓ જેવા નાના જીવજંતુઓને પણ દૂર રાખવામાં મદદરૂપ થઈ શકે છે. જો તમે રોજિંદા પોતા કરતી વખતે આ સરળ ઘરેલું વસ્તુઓનો યોગ્ય માત્રામાં ઉપયોગ કરો છો, તો ફ્લોર વધુ સાફ, ચમકદાર અને ફ્રેસ દેખાઈ શકે છે.
Author : gujarati.abplive.com