Nepal Floods highlights: નેપાળમાં આવેલા વિનાશક પૂરમાં અત્યાર સુધીમાં 547 લોકોએ જીવ ગુમાવ્યા છે, જ્યારે 1,500 થી વધુ લોકો હજુ પણ ગુમ થયાના અહેવાલ છે. 290 ભારતીય નાગરિકો હજુ પણ ગુમ છે અને તેમને શોધવાના પ્રયાસો ચાલુ છે. આ દરમિયાન, નેપાળી સેનાની એક ટીમે ત્રિશુલી હાઇડ્રોપાવર સ્ટેશન ટનલમાં ફસાયેલા 350 કામદારો અને કર્મચારીઓને બચાવ્યા છે.

આ દરમિયાન, નેપાળ સરકારના પ્લેનેટ લેબ્સ અને લેન્ડસેટની સેટેલાઈટ તસવીરોના વિશ્લેષણ પરથી મળેલા રિપોર્ટ મુજબ,રસુવાગઢી સરહદ નજીક આશરે 18 કિલોમીટર ઉપર નદીનો પ્રવાહ સંપૂર્ણપણે બંધ થઈ ગયો છે. નેપાળી સરકારે ચેતવણી જારી કરી છે, જેમાં કહેવામાં આવ્યું છે કે આ કુદરતી તળાવના બંધમાં ભંગાણથી નીચેના વિસ્તારોમાં અચાનક, ગંભીર પૂરનું નોંધપાત્ર જોખમ છે.

નેપાળમાં રાહત અને બચાવ કામગીરી

ભોટેકોશી અને ત્રિશુલી નદીઓમાં ભારે પૂરને પગલે નેપાળમાં રાહત અને બચાવ કામગીરી ચાલી રહી છે. નેપાળ ટુરિઝમ બોર્ડના જણાવ્યા અનુસાર, 28 ઓગસ્ટના રોજ બપોરે 3:30 વાગ્યા સુધીમાં અસરગ્રસ્ત વિસ્તારોમાંથી 121 વિદેશી પ્રવાસીઓને સુરક્ષિત રીતે બહાર કાઢવામાં આવ્યા છે. આમાં 85 ભારતીય નાગરિકોનો સમાવેશ થાય છે. વધુમાં 16 ચીની, 9 દક્ષિણ કોરિયન, યુનાઇટેડ સ્ટેટ્સ અને રશિયાના 2-2 અને ઇટાલીના 2 લોકોને પણ બચાવી લેવામાં આવ્યા છે. બલ્ગેરિયા અને સ્વિટ્ઝર્લૅન્ડના એક-એક નાગરિકને પણ બચાવી લેવામાં આવ્યા છે. ત્રણ પ્રવાસીઓની રાષ્ટ્રીયતાની હજુ સુધી પુષ્ટિ થઈ નથી.

નેપાળમાં પૂરની સ્થિતિ હજુ પણ ભયાનક છે. રેડ ક્રોસના એક અધિકારીના જણાવ્યા અનુસાર ઓછામાં ઓછા 93,000 લોકો પ્રભાવિત થયા છે અને તેમને તાત્કાલિક સહાયની જરૂર છે. રેડ ક્રોસે બીજા પૂરના જોખમ અંગે પણ ચિંતા વ્યક્ત કરી છે. અધિકારીએ જણાવ્યું હતું કે સંભવિત પૂર અંગે અત્યંત સાવધાની રાખવાની જરૂર છે.

-Nepal Flood: નેપાળમાં જળપ્રલયે વેર્યો વિનાશ, ગુજરાતના 26 લોકો હજુ પણ ગુમ, હેલ્પલાઇન નંબર જાહેર

117 પ્રવાસીઓને બચાવી લેવામાં આવ્યા, 85 ભારતીય

અત્યાર સુધી, નેપાળમાં પૂરગ્રસ્ત વિસ્તારોમાંથી 117 પ્રવાસીઓને બચાવી લેવામાં આવ્યા છે. નેપાળ ટુરિઝમ બોર્ડના જણાવ્યા અનુસાર, આ પ્રવાસીઓમાં સૌથી વધુ 85 ભારતીય નાગરિકો છે. બચાવાયેલાઓમાં 16 ચીની, 9 દક્ષિણ કોરિયન, 2 અમેરિકન અને 2 ઇટાલિયન નાગરિકોનો સમાવેશ થાય છે. અન્ય ત્રણ લોકોની ઓળખ હજુ બાકી છે.

Author : gujarati.abplive.com