Dailyhunt Logo
  • Light mode
    Follow system
    Dark mode
    • Play Story
    • App Story
Viral Video: ઈંધણની અછત વચ્ચે પેટ્રોલથી બાઇક ધોતો જોવા મળ્યો યુવક; વીડિયો જોઈને ગુસ્સો થયા યૂઝર્સ

Viral Video: ઈંધણની અછત વચ્ચે પેટ્રોલથી બાઇક ધોતો જોવા મળ્યો યુવક; વીડિયો જોઈને ગુસ્સો થયા યૂઝર્સ

Viral Video: આજના સમયમાં સોશિયલ મીડિયા પર વાયરલ થવાની હોડ એટલી તેજ થઈ ગઈ છે કે લોકો લાઈક્સ અને વ્યુઝ માટે કોઈપણ હદ સુધી જવા તૈયાર છે. દરરોજ કોઈને કોઈ એવો વીડિયો સામે આવે છે જે લોકોને હેરાન કરી દે છે, પરંતુ હાલમાં જ વાયરલ થયેલો એક વીડિયો લોકોને માત્ર ચોંકાવનારો જ નહીં, પણ ગુસ્સો અપાવનારો પણ છે. આ વીડિયોમાં એક શખ્સ પેટ્રોલ પંપ પર પોતાની બાઈકને પેટ્રોલથી ધોતો જોવા મળે છે.

આ નજારો જોઈને લોકો સ્તબ્ધ થઈ ગયા

કારણ કે પેટ્રોલ જેવી મોંઘી અને જરૂરી વસ્તુનો આ રીતે ઉપયોગ કરવો સામાન્ય લોકોને જરાય પસંદ ન આવ્યો. આ વીડિયોએ લોકોને વધુ નારાજ કર્યા છે. આજના સમયમાં પેટ્રોલની કિંમતો પહેલેથી જ ઘણી વધારે છે. ઘણી જગ્યાએ ઈંધણની અછતના સમાચાર પણ ચાલી રહ્યા છે. સામાન્ય માણસ પેટ્રોલ બચાવવાનો પ્રયાસ કરી રહ્યો છે. એવામાં કોઈનું પેટ્રોલને આ રીતે બિનજરૂરી રીતે વેડફવું લોકોને ખોટું લાગ્યું.

શું છે સમગ્ર મામલો?

સોશિયલ મીડિયા પ્લેટફોર્મ એક્સ (X) પર એક વીડિયો ઝડપથી વાયરલ થઈ રહ્યો છે. આ વીડિયોમાં એક છોકરો પેટ્રોલ પંપ પર ઉભો રહીને પાઈપથી પેટ્રોલ કાઢે છે અને તેનાથી પોતાની બાઈક ધોવા લાગે છે. નવાઈની વાત એ છે કે તે આવું એકવાર નહીં, પણ વારંવાર કરે છે, જાણે કે તે પાણીથી બાઈક સાફ કરી રહ્યો હોય. આ આખી ઘટના ત્યાં હાજર લોકો માટે પણ અજીબ હતી અને વીડિયો જોનારાઓ માટે પણ. લોકોનું કહેવું છે કે આ માત્ર દેખાડા માટે કરવામાં આવ્યું છે, જે બિલકુલ યોગ્ય નથી.

સોશિયલ મીડિયા પર લોકોની પ્રતિક્રિયા

વીડિયો વાયરલ થયા બાદ લોકોએ ઉગ્ર નારાજગી વ્યક્ત કરી છે, લોકોની અલગ-અલગ પ્રકારની કોમેન્ટ્સ સામે આવી છે. કેટલાક લોકોએ કહ્યું કે આ ખૂબ જ ખોટું અને બેજવાબદાર વર્તન છે. કેટલાકે તેને માત્ર વાયરલ થવાની રીત ગણાવી. ઘણા યુઝર્સે આ અંગે કાર્યવાહી કરવાની માંગ પણ કરી છે. તો કેટલાક યુઝર્સનું કહેવું છે કે તેલની અછતના સમયમાં કોઈ માણસ પેટ્રોલથી બાઈક ધોઈ રહ્યો છે, આ ખૂબ જ ખોટું અને મૂર્ખામીભર્યું કામ છે. કેટલાક લોકોનું એવું પણ કહેવું છે કે આ પ્રકારની હરકતો માત્ર સંસાધનોનો બગાડ જ નથી, પરંતુ તે સુરક્ષાની દૃષ્ટિએ પણ ખતરનાક બની શકે છે. લોકોનું કહેવું છે કે આ શખ્સ વિરુદ્ધ સખત કાર્યવાહી થવી જોઈએ અને પેટ્રોલ પંપના કર્મચારીઓની પણ જવાબદારી નક્કી થવી જોઈએ.

Author : gujarati.abplive.com

Dailyhunt
Disclaimer: This content has not been generated, created or edited by Dailyhunt. Publisher: ABP Asmita