જેમાં મંત્રીએરાજકોટની માધાપર અને બેડીનાકા પી.જી.વી.સી.એલ. પેટા વિભાગીય કચેરીઓનું રીબીન કટ કરીને લોકાર્પણ કર્યું હતું.

લોકાર્પણ પ્રસંગે મંત્રી કૌશિકભાઈ વેકરિયાનું કુમકુમ તિલક કરી પરંપરાગત રીતે સ્વાગત કરવામાં આવ્યું હતું. ત્યારબાદ તેમણે બંને કચેરીઓની મુલાકાત લઈ વિવિધ વ્યવસ્થાઓનું નિરીક્ષણ કર્યું હતું અને વીજ ગ્રાહકોને વધુ સારી સેવા મળી રહે તે માટે જરૂરી સૂચનાઓ આપી હતી.

કચેરીઓના લોકાર્પણ પ્રસંગે પરિસરને રંગોળી અને ફૂલોથી સુંદર રીતે શણગારવામાં આવ્યું હતું. કાર્યક્રમ દરમિયાન પર્યાવરણ જતનનો સંદેશ આપતાં મંત્રીએ વૃક્ષારોપણ પણ કર્યું હતું.

રાજકોટમાં વીજ માળખાને વધુ મજબૂત બનાવવા તથા ગ્રાહકોને સ્થાનિક સ્તરે ઝડપી અને અસરકારક વીજ સેવા મળી રહે તે દિશામાં પેટા વિભાગીય કચેરીઓનું મહત્વ વધશે. વિકાસ પ્રકલ્પોના લોકાર્પણથી વીજ વિભાગની કામગીરીને વધુ સુવ્યવસ્થિત બનાવવામાં મદદ મળશે.

આ પ્રસંગે ધારાસભ્ય ઉદયભાઈ કાનગડ, ધારાસભ્ય ડો. દર્શિતાબેન શાહ, પી.જી.વી.સી.એલ.ના એમ.ડી. એમ.ડી. ચુડાસમા સહિત વીજ વિભાગના અધિકારીઓ અને કર્મચારીઓ ઉપસ્થિત રહ્યા હતા.