મોરબી જીલ્લામાં પ્રોહિબિશન તથા જુગારની ગેરકાયદેસર પ્રવૃત્તિ અટકાવવા પોલીસ અધિકારીઓની સૂચનાથી એલસીબી અને પેરોલ ફર્લો સ્કવોડની ટીમ પેટ્રોલિંગમાં હતી. દરમિયાન ખાનગી બાતમીના આધારે જુના ઘુંટુ રોડ સિલ્વર પાર્ક સોસાયટીમાં મારૂતી કંપનીની સુપર કેરી માલવાહક ગાડી નં. જીજે-36-વી-5715 ઉપર દરોડો પાડવામાં આવ્યો હતો. દરોડા દરમિયાન ગાડીમાંથી અલગ-અલગ બ્રાન્ડની વિદેશી દારૂની કુલ 1092 બોટલ કિ.રૂ.

8,21,292/- મળી આવી હતી. આ સાથે પોલીસે દારૂ ભરેલી માલવાહક ગાડી કિ.રૂ.3 લાખ સહિત કુલ રૂ.11,21,292/- નો મુદ્દામાલ કબજે કર્યો હતો. પોલીસની કાર્યવાહી દરમિયાન ગાડીનો ચાલક સ્થળ પરથી વાહન રેઢું મૂકી ફરાર થઈ ગયો હતો. આ અંગે મોરબી સીટી બી ડિવિઝન પોલીસ સ્ટેશનમાં પ્રોહિબિશન ધારા હેઠળ ગુનો નોંધી ફરાર ચાલકની શોધખોળ શરૂ કરવામાં આવી છે.