Saturday, 02 Nov, 5.22 pm અકિલા ન્યૂઝ

ખેલ-જગત
મેલબોર્ન ટી-20: ઓસ્ટ્રેલિયાએ શ્રીલંકાને 3-0થી ક્લીનસ્વીપ

નવી દિલ્હી: શુક્રવારે અહીં મેલબોર્ન ક્રિકેટ ગ્રાઉન્ડ ખાતે રમાયેલી ત્રીજી ટી -20 મેચમાં ઓસ્ટ્રેલિયાએ ઘરેલુ શાનદાર રન ચાલુ રાખીને શ્રીલંકાને સાત વિકેટથી હરાવી દીધી હતી. જીતની સાથે ઓસ્ટ્રેલિયાએ ત્રણ મેચની શ્રેણી 3- ૦થી કબજે કરી હતી. પ્રથમ બેટિંગ કરતા શ્રીલંકાની ટીમે નિર્ધારિત 20 ઓવરમાં વિકેટ ગુમાવીને 142 રન બનાવ્યા હતા, જે યજમાનોએ 17.4 ઓવરમાં ત્રણ વિકેટ ગુમાવીને હાંસલ કરી હતી.57 રનની અણનમ ઇનિંગ્સ માટે ઓપનર ડેવિડ વોર્નરને મેન ઓફ મેચ જાહેર કરવામાં આવ્યો. તેણે શ્રેણીમાં કુલ 217 રન બનાવ્યા હતા અને મેન ઓફ સિરીઝનો એવોર્ડ પણ મળ્યો હતો. પહેલા ટોસ હાર્યા બાદ શ્રીલંકાની શરૂઆત નબળી પડી હતી અને ઓપનર નિરોશન ડિકવેલા (0) ફક્ત ત્રણ રન બનાવી આઉટ થયો હતો. મુલાકાતી ટીમની બીજી વિકેટ કુસલ મેન્ડિસને 33 ના સ્કોર પર પડી જેણે ફક્ત 13 રનનું યોગદાન આપ્યું હતું. જોકે કુસલ પરેરાએ શાનદાર બેટિંગ કરી હતી અને 45 બોલમાં ચાર ચોગ્ગા અને એક છગ્ગાની મદદથી શ્રીલંકાને પડકારજનક સ્કોર અપાવ્યો હતો. તેમના સિવાય અવિશ્કા ફર્નાન્ડોએ 20 રનનું યોગદાન આપ્યું જ્યારે ભાનુકા રાજપક્ષે 17 રને અણનમ રહ્યો.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Akila News
Top