પ્રધાનમંત્રી રાષ્ટ્રીય બાળ પુરસ્કાર એ ભારત સરકાર દ્વારા આપવામાં આવતો એક રાષ્ટ્રીયકક્ષાનો પ્રતિષ્ઠિત પુરસ્કાર છે. જે કુલ ૬ કેટેગરીમાં (બહાદુરી, સમાજસેવા, રમત, પર્યાવરણ, કલા અને સાહિત્ય, વિજ્ઞાન અને ટેક્નોલોજી) અભૂતપૂર્વ સિદ્ધિઓ હાંસલ કરી હોય અને અદભૂત યોગદાન આપેલ હોય તેવા ૧૮ વર્ષથી નીચેની ઉંમરના બાળકો (૩૧.૦૭.૨૦૨૬ની સ્થિતિએ) આ એવોર્ડ મેળવવા માટે ભલામણ થવા માટે પાત્રતા ધરાવે છે.

આ અરજી બાળકો પોતે પણ કરી શકે છે અને સરકારી કચેરી (જિલ્લા વહીવટી તંત્ર) પણ બાળક વતી અરજી કરી શકે છે. અરજી માત્ર ઓનલાઈન માધ્યમથી જ કરી શકાય છે, અરજી કરવા માટે પોર્ટલ https://awards.gov.in નો ઉપયોગ કરવો. અરજી કરવાની આખરી તા. ૩૧.૦૭.૨૦૨૬ છે તેમ જિલ્લા મહિલા અને બાળ અધિકારીની યાદીમાં જણાવવામાં આવ્યું છે