ભરૂચ પાલિકા દ્વારા રક્ષાબંધનના પર્વ નિમિત્તે બહેનો માટે ખાસ ભેટ આપવામાં આવી છે. રક્ષાબંધનના દિવસે ભાઈને રાખડી બાંધવા જતી બહેનો ભરૂચ સિટી બસમાં મફત મુસાફરી કરી શકશે.ગત વર્ષે પણ પાલિકા દ્વારા આ પ્રકારની સુવિધા આપવામાં આવી હતી, જેમાં હજાર બહેનોએ મફત મુસાફરીનો લાભ લીધો હતો. આ વર્ષે પણ મોટી સંખ્યામાં બહેનો આ સુવિધાનો લાભ લે તેવી શક્યતા છે.રક્ષાબંધનના પર્વે બહેનોને મુસાફરી ખર્ચમાંથી રાહત મળે અને ભાઈના ઘરે સરળતાથી પહોંચી શકે તે હેતુથી પાલિકા દ્વારા આ નિર્ણય લેવામાં આવ્યો છે.