Sunday, 19 Jan, 7.49 pm Connect Gujarat

હોમ
મંત્રી ઈશ્વરસિંહ પટેલે પ્રથમવાર ફ્લડ લાઇટમાં યોજાયેલી વડોદરા ઇન્વિટેશનલ સુપર ક્રોસ રેસનો કરાવ્યો પ્રારંભ

વડોદરાથી મોટો ક્રોસ રેસિંગની નવી રમત યુવાનોમાં સાહસિકતાનું સિંચન કરશે:રમત ગમત મંત્રી ઈશ્વરસિંહ

રમત ગમત રાજ્યમંત્રી ઈશ્વરસિંહ પટેલે ગુજરાતમાં અને વડોદરામાં પ્રથમવાર યોજાયેલી વડોદરા ઇન્વિટેશનલ સુપર ક્રોસ રેસનો ,નર્મદા વિકાસ રાજ્ય મંત્રી યોગેશ પટેલ,સાંસદ રંજનબહેન ભટ્ટ અને મહાનુભાવોની ઉપસ્થિમાં કરાવ્યો હતો અને તેમાં ભાગ લઈ રહેલા રાષ્ટ્રના અને આંતરરાષ્ટ્રીય ટોચના ખેલાડીઓને પ્રોત્સાહિત કર્યા હતા.

તેમણે સન ૨૦૧૦ માં રાજ્યના તત્કાલીન મુખ્ય પ્રધાન અને વર્તમાન પ્રધાનમંત્રી નરેન્દ્ર મોદીની ખેલ મહાકુંભ શરૂ કરવાની પહેલને યાદ કરતાં જણાવ્યું કે તેના પરિણામે ગુજરાતના યુવાનોની રમતવીર અને લોકોની રમત ચાહક તરીકેની નવી છાપ ઉજાગર થઈ છે.ખેલ મહાકુંભે ગુજરાતને રાષ્ટ્રીય અને આંતરરાષ્ટ્રીય સ્પર્ધામાં વિજેતા બનનારા ખેલાડીઓ આપ્યા છે અને એમાં ભાગ લેનારાઓ ની સંખ્યા દર વર્ષે વધી રહી છે.

મોટર રેસિંગએ નવી રમત છે જેના માટે વિશેષ સુવિધાઓની જરૂર પડે છે. એવી લાગણી વ્યક્ત કરવાની સાથે એમણે જણાવ્યું કે આ રમત યુવા સમુદાયમાં સાહસિકતા ,સમય સૂચકતા,ચપળતા,શિસ્ત અને ધૈર્યના ગુણો કેળવવાની ક્ષમતા ધરાવે છે.

તેમણે પુણે પછી ગુજરાતમાં વડોદરાને આ રમતનું હબ બનાવવાની નેમને બિરદાવતા આયોજક વીર પટેલ,ઇશાન લોખંડે,લિલેરિયા મોટર સ્પોર્ટ્સ અને આસાન સ્પોર્ટ્સ એન્ડ એન્ટર ટેનમેં ટ તથા સહયોગી સંસ્થાઓને અભિનંદન આપ્યા હતા.

મેયર ડો.જિગીષા શેઠ,ધારાસભ્યો ,કોર્પોરેશનના પદાધિકારીઓ અને નગરસેવકો સહિત દશ હજાર થી વધુ લોકોએ આ રોમાંચક રમતનો આનંદ માણ્યો હતો.

The post મંત્રી ઈશ્વરસિંહ પટેલે પ્રથમવાર ફ્લડ લાઇટમાં યોજાયેલી વડોદરા ઇન્વિટેશનલ સુપર ક્રોસ રેસનો કરાવ્યો પ્રારંભ appeared first on Connect Gujarat.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Connect Gujarat Gujarati
Top