IPL 2026માં પોતાની તોફાની બેટિંગથી ચર્ચામાં આવેલા Vaibhav Sooryavanshiએ હવે વધુ એક મોટું લક્ષ્‍ય જાહેર કર્યું છે. માત્ર 15 વર્ષની ઉંમરે આ યુવા બેટ્સમેને કહ્યું છે કે તે T20 ક્રિકેટમાં 200 રન બનાવનાર વિશ્વનો પ્રથમ ખેલાડી બનવા માંગે છે.

Rajasthan Royals માટે રમતા વૈભવે IPL 2026માં પોતાની આક્રમક બેટિંગથી બધાનું ધ્યાન ખેંચ્યું છે.

તે ઘણા મુકાબલાઓમાં ઝડપી ઇનિંગ્સ રમી બોલરોમાં ભય ઉભો કર્યો હતો. હવે તે ખુલ્લેઆમ કહ્યું છે કે તેનું આગળનું લક્ષ્‍ય T20 ક્રિકેટમાં ડબલ સદી ફટકારવાનું છે, જે અત્યાર સુધી કોઈ પણ બેટ્સમેન કરી શક્યો નથી.

હાલ T20 ક્રિકેટમાં સૌથી મોટા સ્કોરનો રેકોર્ડ Chris Gayleના નામે છે. ગેલે IPL 2013માં રોયલ ચેલેન્જર્સ બેંગલોર માટે રમતાં 175* રનની ઐતિહાસિક ઇનિંગ્સ રમી હતી. વૈભવ હવે આ રેકોર્ડને પાછળ છોડવાનો આત્મવિશ્વાસ વ્યક્ત કરી રહ્યો છે.

IPL 2026 દરમિયાન વૈભવે સૌથી વધુ છક્કા ફટકારનાર ખેલાડીઓમાં સ્થાન મેળવ્યું છે. ક્રિકેટ નિષ્ણાતોનું માનવું છે કે તેની બેટિંગ સ્ટાઇલ અને નિર્ભય અભિગમને જોતા ભવિષ્યમાં તે અનેક મોટા રેકોર્ડ તોડી શકે છે.

નાની ઉંમરે આટલું મોટું સપનું જોતા વૈભવ સુર્યવંશી હવે ભારતીય ક્રિકેટનો આગામી સુપરસ્ટાર ગણાઈ રહ્યો છે. ચાહકો પણ આશા રાખી રહ્યા છે કે આવનારા વર્ષોમાં તે T20 ક્રિકેટને નવી ઊંચાઈએ લઈ જશે.