ઈરાનના રિવોલ્યુશનરી ગાર્ડ કોર્પ્સ [IRGC – Revolutionary Guard Corps] એ અમેરિકાને ખુલ્લી ધમકી આપતા જણાવ્યું છે કે જો તેમની નાગરિક સુવિધાઓ પર હુમલો થશે, તો તેઓ એવો બદલો લેશે કે અમેરિકા પેઢીઓ સુધી યાદ રાખશે. આ ઉપરાંત યુએસ અને સાથી દેશો વર્ષો સુધી તેલ અને ગેસ માટે વંચિત રહી જશે.

IRGC Counter Threat: ઈરાનનો વળતો પ્રહાર અને ‘રેડ લાઈન’

ઈરાની મીડિયા દ્વારા જારી કરાયેલા નિવેદનમાં જણાવાયું છે કે અમેરિકન નેતાઓ પાસે એ અનુમાન કરવાની ક્ષમતા નથી કે જો તેઓ હુમલો કરશે તો ઈરાનના ફાઈટર જેટ્સ [Fighter Jets] તેમની કઈ મહત્વપૂર્ણ સુવિધાઓને જમીનદોસ્ત કરી શકે છે. ઈરાને સ્પષ્ટ કર્યું છે કે જો યુએસ સૈન્ય તેમની ‘લાલ રેખા’ [Red Line] પાર કરશે, તો તેમનો જવાબ આ ભૌગોલિક વિસ્તારની સીમાઓ વટાવી જશે.

ટ્રમ્પની ભયાનક ચેતવણી: “ઈરાન રાતોરાત નષ્ટ થઈ શકે છે

બીજી તરફ, યુએસ પ્રમુખ ડોનાલ્ડ ટ્રમ્પ [Donald Trump] એ સોમવારે એક પ્રેસ કોન્ફરન્સમાં અત્યંત આક્રમક વલણ અપનાવતા કહ્યું હતું કે, “ઈરાનને રાતોરાત નાશ કરી શકાય છે.” ટ્રમ્પે ઈરાનને ચેતવણી આપી છે કે જો તે હોર્મુઝ સ્ટ્રેટ [Strait of Hormuz] ખોલવા માટે સહમત નહીં થાય, તો અમેરિકા કલાકોમાં જ ઈરાની પાવર પ્લાન્ટ્સ [Power Plants] અને પુલો પર હુમલો કરશે. ટ્રમ્પે કરાર માટે મંગળવારની રાત સુધીની અંતિમ સમયમર્યાદા [Deadline] આપી છે.

ખાર્ગ ટાપુ પર હુમલો: ઈરાનની ‘લાઈફલાઈન’ જોખમમાં

ટ્રમ્પ દ્વારા અપાયેલી સમયમર્યાદા પૂરી થાય તે પહેલા જ ઈરાનના વ્યૂહાત્મક રીતે મહત્વપૂર્ણ ખાર્ગ ટાપુ [Kharg Island] પર ભીષણ હુમલો કરવામાં આવ્યો હોવાના અહેવાલ છે. ઈરાનની સરકારી મેહર ન્યૂઝ એજન્સી [Mehr News Agency] ના જણાવ્યા મુજબ, હોર્મુઝ સ્ટ્રેટમાં સ્થિત આ ટાપુ પર અનેક વિસ્ફોટો થયા છે. ખાર્ગ ટાપુ ઈરાનની તેલ નિકાસનો 90% હિસ્સો ધરાવે છે અને તે દેશની તેલ જીવનરેખા [Oil Lifeline] માનવામાં આવે છે.

તેહરાન પર હવાઈ હુમલાનો મારો

રાજધાની તેહરાન [Tehran] માં પણ સ્થિતિ સ્ફોટક છે. છેલ્લા કેટલાક કલાકોથી તેહરાન પર તીવ્ર હવાઈ હુમલા થઈ રહ્યા છે. પર્વતીય વિસ્તારોમાં આવેલા શસ્ત્રોના ડેપો અને રહેણાંક વિસ્તારોને પણ નિશાન બનાવવામાં આવ્યા હોવાની માહિતી સામે આવી રહી છે.