Navsari News: દેશના વડાપ્રધાન નરેન્દ્રભાઈ મોદી (PM Modi) આગામી 8 સપ્ટેમ્બરે નવસારી (Navsari) ના પ્રવાસે આવી રહ્યા છે, જેને લઈને તંત્ર દ્વારા તૈયારીઓ જોરશોરથી શરૂ કરી દેવામાં આવી છે. વડાપ્રધાનના આ આગમનને આડે હવે ગણતરીના દિવસો બાકી રહ્યા છે ત્યારે વહીવટી તંત્ર અને રાજકીય મોરચે તડામાર તૈયારીઓ ચાલી રહી છે. આ તૈયારીઓની સમીક્ષા કરવા માટે કેન્દ્રીય મંત્રી સી.આર.
પાટીલ અને ગુજરાતના નાયબ મુખ્યમંત્રી હર્ષભાઈ સંઘવી વિશેષરૂપે નવસારી પહોંચ્યા હતા.
Navsari સર્કિટ હાઉસ ખાતે ઉચ્ચસ્તરીય બેઠક યોજાઈ
નવસારી પહોંચ્યા બાદ કેન્દ્રીય મંત્રી સી.આર. પાટીલ અને નાયબ મુખ્યમંત્રી હર્ષભાઈ સંઘવીએ નવસારી સર્કિટ હાઉસ ખાતે એક મહત્વપૂર્ણ ઉચ્ચસ્તરીય બેઠક યોજી હતી. નાયબ મુખ્યમંત્રી હર્ષભાઈ સંઘવીની અધ્યક્ષતામાં યોજાયેલી આ બેઠકમાં કેન્દ્રીય મંત્રી સી.આર. પાટીલ વિશેષ ઉપસ્થિત રહ્યા હતા. આ બેઠકમાં નવસારી જિલ્લા કલેક્ટર, જિલ્લા વિકાસ અધિકારી (DDO) અને જિલ્લા પોલીસ વડા સહિતના ઉચ્ચ અધિકારીઓ હાજર રહ્યા હતા.
બેઠકમાં વડાપ્રધાનની સુરક્ષા વ્યવસ્થા, ટ્રાફિક મેનેજમેન્ટ, સભાસ્થળની તૈયારીઓ અને અન્ય વ્યવસ્થાપન અંગે ઝીણવટભરી ચર્ચા કરવામાં આવી હતી. સર્કિટ હાઉસ ખાતેની બેઠક પૂર્ણ થયા બાદ બંને દિગ્ગજ નેતાઓએ પ્રસ્તાવિત 'નમો કમલમ' કાર્યાલય/સંકુલની પ્રત્યક્ષ મુલાકાત લીધી હતી અને ચાલી રહેલા તૈયારીઓના કાર્યોનો તાગ મેળવ્યો હતો.
10 કરોડથી વધુના ખર્ચે નિર્મિત 'નમો કમલમ'નું થશે ભવ્ય લોકાર્પણ
નવસારીમાં અંદાજે 10 કરોડ રૂપિયાથી વધુના જંગી ખર્ચે અત્યાધુનિક સુવિધાઓ સાથે 'નમો કમલમ'નું નિર્માણ કરવામાં આવ્યું છે. આગામી 8 સપ્ટેમ્બરે વડાપ્રધાન નરેન્દ્ર મોદીના વરદ હસ્તે આ ભવ્ય 'નમો કમલમ'નું લોકાર્પણ (ઉદ્ઘાટન) કરવામાં આવશે. વડાપ્રધાનના આ મહત્વપૂર્ણ કાર્યક્રમને સફળ બનાવવા માટે પ્રશાસન અને સંગઠન દ્વારા એડીચોટીનું જોર લગાવવામાં આવી રહ્યું છે. વડાપ્રધાનના પ્રવાસને લઈને નવસારી જિલ્લામાં ભારે ઉત્સાહનો માહોલ જોવા મળી રહ્યો છે.
: Rajkot News: ડોમિનોઝ પિત્ઝામાંથી માખી નીકળવાનો મામલો, વીડિયો વાયરલ થતાં આરોગ્ય વિભાગે ફટકાર્યો દંડ