'ગ્લોરી' ના મેકર્સે તાજેતરમાં પુલકિત સમ્રાટનું એક શક્તિશાળી નવું પોસ્ટર (Poster) રિલીઝ કર્યું છે, જેણે ટીઝર (Teaser) રિલીઝ થાય તે પહેલાં જ પ્રેક્ષકોમાં ભારે ઉત્સુકતા જગાડી છે. આ પોસ્ટરમાં પુલકિત બોક્સિંગ રિંગ (Boxing Ring) ની અંદર અત્યંત આક્રમક અંદાજમાં જોવા મળી રહ્યો છે. આ પોસ્ટર માત્ર ફિલ્મની ગંભીર અને તીવ્ર દુનિયાની ઝલક જ નથી આપતું, પરંતુ આ પાત્ર માટે પુલકિતે કરેલા અદ્ભુત શારીરિક પરિવર્તન (Physical Transformation) ને પણ દર્શાવે છે.

ઇન્સ્ટાગ્રામ સ્ટોરીઝ પર શેર કર્યું પોસ્ટર

હાલમાં આ પોસ્ટર જે બાબતને કારણે સૌથી વધુ ચર્ચામાં છે તે છે ફિટનેસ (Fitness) અને સ્પોર્ટ્સ કોમ્યુનિટી (Sports Community) તરફથી મળેલો પ્રતિસાદ. આશ્ચર્યજનક વાત એ છે કે, અનેક પ્રોફેશનલ બોક્સર્સ (Professional Boxers) અને રમતવીરોએ (Sportspersons) પોતાના ઇન્સ્ટાગ્રામ સ્ટોરીઝ (Instagram Stories) પર આ પોસ્ટર શેર કર્યું છે. રમત જગતના આ દિગ્ગજોએ પુલકિતના નવા લુકના વખાણ કર્યા છે અને વેબ સિરીઝ માટે પોતાની ઉત્સુકતા વ્યક્ત કરી છે. આનાથી સ્પષ્ટ થાય છે કે પુલકિતનો બોક્સર લુક માત્ર ફિલ્મી દુનિયા પૂરતો મર્યાદિત નથી રહ્યો, પરંતુ અસલી સ્પોર્ટ્સ સર્કલ્સમાં પણ તે ચર્ચાનો વિષય (Topic of Discussion) બન્યો છે.

બોક્સિંગના દાવપેચ શીખવા માટે મહિનાઓ સુધી પરસેવો પાડ્યો

ઉલ્લેખનીય છે કે 'ગ્લોરી' દ્વારા પુલકિત સમ્રાટ કારકિર્દીમાં પ્રથમ વખત એક બોક્સરની ભૂમિકા ભજવી રહ્યો છે. તેની આ નવી ઇનિંગ (Innings) તેના કરિયર માટે એક મોટો વળાંક સાબિત થઈ શકે છે. પોતાની વૈવિધ્યતા (Versatility) માટે જાણીતા પુલકિતે આ રોલને ન્યાય આપવા માટે સખત ટ્રેનિંગ (Hard Training) લીધી છે. તેના શરીરની બનાવટ અને રિંગમાં તેની બોડી લેંગ્વેજ જોઈને લાગે છે કે તેણે પ્રોફેશનલ બોક્સિંગના દાવપેચ શીખવા માટે મહિનાઓ સુધી પરસેવો પાડ્યો છે.

હવે જ્યારે આ સીરીઝનું ટીઝર આવતીકાલે રિલીઝ થવાનું છે, ત્યારે તમામની નજર પુલકિતના અત્યાર સુધીના સૌથી પડકારજનક (Challenging) પાત્ર પર ટકેલી છે. ‘ગ્લોરી’ નો આ રોલ પુલકિતના અભિનયના નવા આયામો ખોલશે તેવી અપેક્ષા સેવાઈ રહી છે.