ઉત્તર પ્રદેશના રામપુર (Rampur) જિલ્લામાં છેલ્લા દોઢ વર્ષથી પોલીસ અધિક્ષક (SP) તરીકે ફરજ બજાવતા વિદ્યાસાગર મિશ્રની વિદાય વેળાએ રામપુર પોલીસ લાઈન (Police Line) એક અનોખા ભાવવિશ્વનું સાક્ષી બન્યું હતું. સામાન્ય રીતે પોલીસ અધિકારીની બદલી (Transfer) થતી હોય ત્યારે ઔપચારિક વિદાય સમારોહ યોજાતા હોય છે, પરંતુ અહીં દ્રશ્યો કંઈક જુદા જ હતા. શિસ્ત અને કાયદાનું પાલન કરાવતી ખાખી વર્દી પાછળ એક સંવેદનશીલ હૃદય પણ ધબકે છે, તેની પ્રતીતિ આ ઘટનાએ કરાવી દીધી.

"રડશો નહીં બેટા, હું આવતો રહીશ"

વિદ્યાસાગર મિશ્રની બદલી સીતાપુર (Sitapur) પીએસીમાં સેનાનાયક તરીકે કરવામાં આવી છે. વિદાય સમારોહના અંતે જ્યારે તેઓ પોતાના સ્ટાફ અને ખાસ કરીને મહિલા પોલીસકર્મીઓ (Women Police) પાસે પહોંચ્યા, ત્યારે માહોલ ગમગીન બની ગયો હતો. મહિલા સિપાહીઓ પોતાના લોકપ્રિય અધિકારીને વિદાય આપતા સમયે ભાવુક થઈ ગઈ હતી. અનેક મહિલા પોલીસકર્મીઓની આંખોમાંથી આંસુ વહેવા લાગ્યા હતા.

Rampur માં SP લાગણીઓ પર કાબૂ રાખી શક્યા નહીં

જ્યારે એક મહિલા પોલીસને રડતા રડતા કહ્યું કે "સર, તમે ન જાઓ…", ત્યારે એસપી વિદ્યાસાગર મિશ્ર પોતે પણ પોતાની લાગણીઓ પર કાબૂ રાખી શક્યા નહીં. તેમણે અત્યંત સ્નેહ અને પિતાતુલ્ય હેત સાથે મહિલા પોલીસના માથા પર હાથ મૂક્યો અને આશ્વાસન આપતા કહ્યું, "રોતે નહીં બેટા, મેં આતા રહૂંગા…" આ શબ્દોમાં માત્ર એક અધિકારીનો આદેશ નહીં, પણ એક વડીલની મમતા છલકાતી હતી.