સામાન્ય રીતે એર મુસાફરી (Air Travel) ને સૌથી સુરક્ષિત અને શિસ્તબદ્ધ માનવામાં આવે છે, પરંતુ તાજેતરમાં સોશિયલ મીડિયા (Social Media) પર વાયરલ થયેલી એક ઘટનાએ આ માન્યતાને ઝટકો આપ્યો છે. ઇન્સ્ટાગ્રામ ઇન્ફ્લુએન્સર ઉર્વી કોઠારી સાથે ફ્લાઈટ દરમિયાન થયેલા અશોભનીય વર્તને ફરી એકવાર સાબિત કર્યું છે કે મહિલાઓએ ગમે તેટલા સુરક્ષિત વાતાવરણમાં પણ સતત સતર્ક (Alert) રહેવું પડે છે. આ કિસ્સો માત્ર એક વ્યક્તિગત હેરાનગતિ નથી, પરંતુ તે જાહેર શિષ્ટાચાર (Public Etiquette) અને સહ-મુસાફરો પ્રત્યેના આદરના અભાવને પણ દર્શાવે છે, જે સમાજ માટે એક ગંભીર વિચારણાનો વિષય છે.

Women's safety: સીટ પાછળથી થતી છેડછાડ!

ઉર્વી કોઠારીએ આ વીડિયો દ્વારા પોતાની આપવીતી જણાવતા કહ્યું કે જ્યારે તે ફ્લાઈટમાં પોતાની નિર્ધારિત સીટ પર બેઠી હતી, ત્યારે તેની પાછળ બેઠેલા મુસાફરે વારંવાર પોતાનો હાથ તેની સીટ પર આગળની તરફ રાખવાનું શરૂ કર્યું હતું. શરૂઆતમાં આ બાબતને સામાન્ય ભૂલ સમજીને અવગણવામાં આવી હતી, પરંતુ જ્યારે આ પ્રક્રિયા સતત ચાલુ રહી ત્યારે અસહજતા (Uncomfort) વધવા લાગી હતી. આ પ્રકારનું વર્તન કોઈપણ વ્યક્તિની ખાનગી જગ્યા (Personal Space) પર તરાપ સમાન છે. મહિલા મુસાફર માટે આ સ્થિતિ ખૂબ જ તણાવપૂર્ણ બની ગઈ હતી કારણ કે પાછળનો મુસાફર વારંવાર સીટને સ્પર્શ કરી રહ્યો હતો.

Women's safety: ક્રૂ મેમ્બર્સે સમજાવ્યા છતા ન બદલાયું વર્તન

જ્યારે પરિસ્થિતિ સહનશક્તિની બહાર ગઈ ત્યારે ઉર્વીએ ફ્લાઈટના કેબિન ક્રૂ (Cabin Crew) ને આ અંગે જાણ કરી હતી. એરલાઇન સ્ટાફ (Airline Staff) દ્વારા તે મુસાફરને સમજાવવામાં આવ્યો અને આવું ન કરવા માટે કડક સૂચના આપવામાં આવી હતી. આમ છતાં, તે વ્યક્તિના વર્તનમાં કોઈ સુધારો જોવા મળ્યો નહોતો. સૂચના આપ્યાના થોડા સમય પછી પણ તેણે ફરીથી સીટ અને આર્મરેસ્ટ (Armrest) પર પોતાનો હાથ રાખવાનું ચાલુ રાખ્યું હતું. આટલું જ નહીં, તે વ્યક્તિએ પોતાના પગ પણ સીટની બાજુમાં રાખવાનું શરૂ કરતા ઉર્વીને બેસવા માટે માત્ર અડધી સીટ જ મળી રહી હતી, જે લાંબા પ્રવાસ માટે અત્યંત મુશ્કેલ હતું.

આ પણ વાંચો--ટ્રેનમાં શૌચાલય પાસે સૂતા હતા Indian Army ના જવાનો, TTE એ જે કર્યું તે જોઈને તમે પણ કહેશો 'સલામ'

Women's safety: સુરક્ષા અને સતર્કતા અંગે ઉઠ્યા સવાલો

આ ઘટના બાદ અંતે ઉર્વી કોઠારીએ પોતાની સીટ બદલવાનો નિર્ણય લેવો પડ્યો હતો. તેણે આ વીડિયોના કેપ્શન (Caption) માં લખ્યું હતું કે આ જ કારણ છે કે મહિલાઓએ દરેક જગ્યાએ સતર્ક (Alert) રહેવું પડે છે, પછી ભલે તે ફ્લાઈટ જેવી સુરક્ષિત માનવામાં આવતી જગ્યા કેમ ન હોય. આ વીડિયો વાયરલ (Viral Video) થતા જ નેટીઝન્સમાં બે ભાગલા પડી ગયા છે. મોટાભાગના લોકોએ આ વર્તનની સખત ટીકા કરી છે અને મુસાફરોની શિસ્ત (Discipline) અને સંસ્કાર પર ભાર મૂક્યો છે. લોકોનું કહેવું છે કે જાહેર સ્થળોએ બીજાની સુવિધાનું ધ્યાન રાખવું એ દરેક નાગરિકની મૂળભૂત ફરજ છે.