25 તેમની ફિઆન્સી દિશા અશોકભાઈ ડાભી ઉં.વ. 19 સાથે સ્કૂટર પર ઈસ્કોન ક્લબથી આગળ વિક્ટોરિયા પાર્કની પાછળના માર્ગેથી પસાર થઈ રહ્યા હતા. આ સમયે સ્કૂટર પર આવેલા બે અજાણ્યા શખ્સોએ તેમને આંતર્યા હતા. લૂંટારુઓએ યુવક પાસે રૂૂપિયાની માંગણી કરી હતી, જેની સામે મહિપતસિંહે ના પાડતા લૂંટારુઓએ ઉશ્કેરાઈને મહિપતસિંહ પર છરી વડે હુમલો કર્યો હતો. હુમલાખોરોએ યુવાનને ગળાના ભાગે, ડાબા હાથની હથેળીમાં તેમજ આંગળીઓ પર છરીના આડેધડ ઘા ઝીંકી લોહીલુહાણ કરી નાખ્યો હતો.

લૂંટારુઓએ દિશાને ધક્કો મારી તેના હાથમાંથી પર્સ અને મોબાઈલ ઝૂંટવી લીધા હતા. લૂંટારુઓ રૂૂ. 1,000 રોકડા, રૂૂ. 3,500ની કિંમતના ચાંદીના કડા અને રૂૂ. 20,000ની કિંમતનો મોબાઈલ ફોન તથા પર્સ મળી કુલ રૂૂ. 30,000થી વધુની મત્તાની લૂંટ ચલાવી અંધારાનો લાભ લઈ નાસી છૂટ્યા હતા.
દરમિયાન ગંભીર રીતે ઘાયલ થયેલા મહિપતસિંહને તાત્કાલિક સારવાર અર્થે હોસ્પિટલ ખસેડવામાં આવ્યો હતો, જ્યાં તેની હાલત નાજુક હોવાનું જાણવા મળ્યું છે. આ બનાવ અંગે દિશા ડાભીએ પોલીસ ફરિયાદ નોંધાવતા પોલીસે ગુનો નોંધી આરોપીઓને ઝડપી પાડવા માટે ચક્રો ગતિમાન કર્યા છે.