શોના લોન્ચિંગ પહેલાં જ નિર્માતાઓએ દર્શકો માટે એક મોટો ટ્વિસ્ટ જાહેર કર્યો છે. આ વખતે બિગ બોસના ઘરમાં પ્રવેશનારી પ્રથમ ક્ધટેસ્ટન્ટની પસંદગી સીધી દર્શકોના વોટિંગ દ્વારા કરવામાં આવશે. આ ખાસ ટિકિટ માટે મુંબઈની મોડલ રિયા આહિર અને પંજાબની સોશિયલ મીડિયા સેલિબ્રિટી લવ ગિલ વચ્ચે મુકાબલો છે. દર્શકો એપ પર 2 સપ્ટેમ્બર સુધી પોતાના મનપસંદ દાવેદારને મત આપી શકશે. ૠયક્ષ-ણ દર્શકોને આકર્ષવા માટે મેકર્સે આ વખતે ડિજિટલ સેલિબ્રિટીઝ પર મોટો દાવ લગાવ્યો છે, જેને લઈને સોશિયલ મીડિયા પર ફેન્સ વચ્ચે બંનેના સમર્થનને લઈને જોરદાર ચર્ચા ચાલી રહી છે.

જો બેમાંથી જેને પસંદ ન કરવામાં આવે એનો એક ચાન્સ પહેલેથી જ ખોવાઈ જાય એ બની શકે છે. આથી આ એક માર્કેટિંગ હોય એવું બની શકે છે.શોના નવા પ્રોમોમાં સલમાન ખાને ખુલાસો કર્યો છે કે આ સિઝનમાં 1 નહીં પરંતુ 2 અલગ-અલગ ઘરો બનાવવામાં આવ્યા છે. આ સાથે જ તેણે સંકેત આપ્યો હતો કે ઘરની બહાર થઈ ગયેલા સ્પર્ધકોને બીજી તક આપીને ફરીથી બિગ બોસ 20ના ઘરમાં લાવવામાં આવી શકે છે.ઉલ્લેખનીય છે કે આ વર્ષે વિવિધ પ્રાદેશિક ભાષાઓ સહિત બિગ બોસના કુલ 6 અલગ-અલગ વર્ઝન એકસાથે ટેલિકાસ્ટ થવાના છે. જેમાં સૌથી પહેલાં 10 વર્ષના લાંબા અંતરાલ બાદ વાપસી કરી રહેલો 'બિગ બોસ બાંગ્લા' ટેલિકાસ્ટ થશે, જેનું હોસ્ટિંગ ભારતીય ક્રિકેટ ટીમનો ભૂતપૂર્વ કેપ્ટન સૌરવ ગાંગુલી કરી રહ્યો છે.