Saturday, 28 Mar, 10.13 am ગુજરાત મિરર

હોમ
ઈટાલીમાં કાબુ બહાર સ્થિતિ : 24 કલાકમાં વધુ 1000 મોત

રોમ તા,28
ઈટાલી હાલ પૂરતું તો કોરોના વાયરસની મહામારીમાંથી બહાર આવે તેવી કોઈ જ આશા નથી દેખાતી. ગત અઠવાડિયામાં એક-બે દિવસ મૃત્યુઆંક ઓછો આવ્યો તો એવું લાગી રહ્યું હતું કે ટૂંક સમયમાં જ ઈટાલી આ મહામારીમાંથી બહાર આવી શકે છે. જોકે, શુક્રવારે ફરી એકવાર ભયાનક રેકોર્ડ નોંધાવતા કોરોનાએ ઈટાલીમાં આશરે 920 લોકોનો જીવ લીધો હતો. જ્યારે દુનિયાભરમાં આ ખતરનાક વાયરસથી મરનાર લોકોની સંખ્યા 26,350 થઈ છે.
તાજેતરના જ રિપોર્ટ અનુસાર શુક્રવારે ઈટાલીમાં મરનારની સંખ્યામાં રેકોર્ડબ્રેક વધારો થયો છે. ત્યાં સુધી કે એક જ દિવસમાં 919 લોકોના મોત થયા છે. જેથી યુરોપના દેશમાં મૃત્યુઆંક 9,134 થયો છે. અહીં 86,498 લોકો કોરોના પોઝિટિવ મળી આવ્યા છે. જ્યારે માત્ર 10,950 જ સ્વસ્થ થયા છે. આ અઠવાડિયામાં બે વાર મૃત્યુઆંક ઓછો આવવાના કારણે મેડિકલ સ્ટાફને રાહત લાગતી હતી પરંતુ જે આંકડાઓ સામે આવ્યા છે તે ભયજનક છે.
ઈટાલી પછી સૌથી વધારે મૃત્યુ સ્પેનમાં થયા છે. જ્યાં એક જ દિવસમાં 569 લોકો મોતને ભેટ્યા છે. આ સાથે જ અહીં મૃત્યુઆંક 4,934 થયો છે. અમેરિકાએ દુર્ભાગ્યપૂર્ણ રેકોર્ડ પોતાને નામે કર્યો છે. અહીં કોરોના વાયરસના ઈન્ફેક્શનના 7,894 નવા કેસ સાથે જ અહીં કુલ 93,329 લોકો કોરોના પોઝિટિવ છે. અહીં 1,384 લોકોના મોત થઈ ચૂક્યા છે.
અમેરિકાએ સૌથી વધારે ઈન્ફેક્શનના મામલે ચીનને પણ પાછળ રાખ્યું છે. જ્યાંથી આ વાયરસની શરુઆત થઈ હતી. ચીન હવે કુલ ઈન્ફેકશન મામલે 81,340 સાથે ત્રીજા નંબર પર છે. અહીં 3,292 લોકોએ જીવ ગુમાવ્યા છે. ઈરાનમાં અત્યાર સુધીમાં કોરોનાએ 2,378 લોકોનો જીવ લીધો છે. અહીં 32,332 લોકો કોરોના પોઝિટિવ મળી આવ્યા છે.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Gujarat Mirror Gujarati
Top