આ બનાવ અંગે કંપની તરફથી ગણેશ સિક્યુરિટી એજન્સીના સાઇટ ઇન્ચાર્જ કરશનભાઈ નાથાભાઈ પાથરે ફરિયાદ નોંધાવી હતી. ફરિયાદ મુજબ કુલ 92 મીટર કોપર વાયર, જેની અંદાજિત કિંમત રૂૂપિયા 55,200 થાય છે, તે ચોરી કરી અજાણ્યા શખ્સો ફરાર થઈ ગયા હતા.

બીજો બનાવ કાલાવડ ગ્રામ્ય પોલીસ સ્ટેશન વિસ્તારમાં આવેલા ધુનધોરાજી ગામ નજીક અશાબાપીરની દરગાહ પાસે આવેલી વીન્ડ વર્લ્ડ ક્લીન એનર્જી ફોરેવર પ્રા. લિમિટેડ કંપનીની પવનચક્કીઓ ખાતે બન્યો હતો. કંપનીની ત્રણ અલગ અલગ પવનચક્કીઓના ટ્રાન્સફોર્મરના બહારના ભાગેથી તળીયા તરફ જતો લીલા કલરના કવરવાળો કોપર અર્થિંગ વાયર કોઈ અજાણ્યા ઇસમો દ્વારા કાપી ચોરી કરવામાં આવ્યો હતો.

આ બનાવ અંગે ગણેશ સિક્યુરિટી એજન્સીના સાઇટ ઇન્ચાર્જ જયેન્દ્રસિંહ અજીતસિંહ જાડેજાએ ફરિયાદ નોંધાવી હતી. ફરિયાદ મુજબ કુલ 54 મીટર કોપર વાયર, જેની કિંમત અંદાજે રૂૂપિયા 32,400 થાય છે, તે ચોરી કરી લઈ જવામાં આવ્યો હતો.

આ બંને બનાવોમાં અલગ અલગ પોલીસ સ્ટેશનોમાં ગુનાઓ નોંધી પોલીસે અજાણ્યા ચોર ઇસમોને ઝડપી પાડવા તેમજ વધુ તપાસ હાથ ધરી છે.