મનીલાઈફના અહેવાલ મુજબ, પુણે સ્થિત આરટીઆઈ કાર્યકર્તા વિવેક વેલંકરે આ માહિતી માંગી હતી. તેમને પૂરા પાડવામાં આવેલા સત્તાવાર ડેટા પરથી જાણવા મળે છે કે SBI દ્વારા નાણાકીય વર્ષ 2017-18 થી લઈને નાણાકીય વર્ષ 2025-26 સુધીના સમયગાળામાં કુલ 309 લોન એકાઉન્ટ્સ નેશનલ કંપની લો ટ્રિબ્યુનલ (ગઈકઝ) અથવા સમાન રિઝોલ્યુશન ફોરમમાં મોકલવામાં આવ્યા હતા. આ 309 કેસોમાં બેંકનો કુલ દાવો 149,895 કરોડ રૂૂપિયાનો હતો. પરંતુ આશ્ચર્યની વાત એ છે કે, રિઝોલ્યુશન પ્રક્રિયા મારફતે બેંક માત્ર 49,727 કરોડ રૂૂપિયા જ વસૂલ કરી શકી છે. આ આંકડા દર્શાવે છે કે બેંકે પોતાના કુલ દાવાની રકમ કરતાં લગભગ 1 લાખ કરોડ રૂૂપિયા ઓછી રકમ વસૂલ કરી છે. સરળ શબ્દોમાં કહીએ તો, કુલ દાવાના 67% જેટલી રકમ એટલે કે 100,168 કરોડ રૂૂપિયાનું બેંકને સીધું નુકસાન (જેને બેન્કિંગ ભાષામાં 'હેરકટ' કહેવાય છે) ગયું છે.

RTI રિપોર્ટમાં નાણાકીય વર્ષ 2025-26 ના ચોક્કસ આંકડા પણ આપવામાં આવ્યા છે. માત્ર આ એક જ વર્ષમાં, SBI એ 4,928 કરોડ રૂૂપિયાના દાવાઓ ધરાવતા 30 મોટા ખાતાઓનું સેટલમેન્ટ ફક્ત 1,348 કરોડ રૂૂપિયામાં કર્યું હતું. આનો અર્થ એ થાય કે આ 30 ખાતાઓમાં બેંકને 3,580 કરોડ રૂૂપિયાનું નુકસાન ગયું, જે કુલ દાવાના લગભગ 73% જેટલું થવા જાય છે.

આ ઉપરાંત, બેંકે રાઈટ-ઓફ (ચોપડેથી માંડી વાળવામાં આવેલી) લોનનો એક અલગ ડેટા પણ આપ્યો છે. આ આંકડાઓ મુજબ, ટેકનિકલ અથવા પ્રુડેન્શિયલ આધારે રાઈટ-ઓફ કરાયેલી લોનમાંથી બેંકે 20,838 કરોડ રૂૂપિયા એટલે કે આશરે 14% રકમની વસૂલાત કરી છે. અહેવાલમાં સ્પષ્ટતા કરવામાં આવી છે કે 'ગઈકઝ હેરકટ' અને 'લોન રાઈટ-ઓફ' એ બંને સંપૂર્ણપણે અલગ પ્રક્રિયાઓ છે.