અમદાવાદઃ આંતરરાષ્ટ્રીય એરપોર્ટ પરથી ફરીથી ગાંજો ઝડપી લેવામાં આવ્યો છે. વડોદરાનું દંપતી બેંગકોકથી 1.928 ગ્રામ હાઇડોપોનિક્સ ગાંજો લઇને આવ્યું હતું.

અમદાવાદ એરપોર્ટ પર કસ્ટમ વિભાગના એર ઇન્ટેલિજન્સ યુનિટ (AIU) એ આ ગાંજાનો જથ્થો ઝડપી પાડ્યો હતો, એજન્સીએ બંને આરોપીઓની ધરપકડ કરીને વધુ તપાસ શરૂ કરી છે.

2 સપ્ટેમ્બર 2026ના રોજ ફ્લાઇટ નંબર TG-343 માં બેંગકોકથી અમદાવાદ આવેલી મહિલા અને તેના પતિની તપાસ કરવામાં આવતા તેમની પાસેથી આ નશાનો સામાન મળી આવ્યો હતો.