આરોપીએ પોતાનું નામ મોહિત પટેલ હોવાનું જણાવ્યું હતુ અને તે કુંવારો છે તેવી ખોટી માહિતી આપીને યુવતી સાથે મિત્રતા કેળવી હતી.

યુવતીને વિશ્વાસમાં લેવા માટે તેણે મોહિત પટેલના નામનું એક નકલી આધાર કાર્ડ પણ બનાવ્યું હતુ. આ નકલી આધાર કાર્ડનો ઉપયોગ કરીને તે યુવતીને અલગ-અલગ હોટલોમાં લઈ જતો હતો અને લગ્નની લાલચ આપીને તેની સાથે શારીરિક સંબંધો બાંધ્યા હતા.

યુવતીને આરોપીની હિલચાલ પર શંકા જતાં તેણે ગુપ્ત રીતે આરોપીનો મોબાઈલ ફોન ચેક કર્યો હતો. ફોનમાંથી તેને આરોપીની બહેનનો નંબર મળ્યો હતો. તેની સાથે વાતચીત કરતા યુવતીના પગ નીચેથી જમીન સરકી ગઈ હતી. તેને જાણવા મળ્યું કે, મોહિત ખરેખર મોહસીન ખાન છે. તે અગાઉથી જ પરણિત છે અને તેને ત્રણ બાળકો પણ છે.

જ્યારે યુવતીએ આ બાબતે મોહસીનને પૂછ્યું, ત્યારે તેણે પોતાની અસલી ઓળખ છુપાવવા માટે યુવતીને ધમકીઓ આપવાનું શરૂ કર્યું હતું. અંતે ભોગ બનનાર યુવતીએ હિંમત દાખવી પોલીસના દ્વાર ખખડાવ્યાં હતા. યુવતીની ફરિયાદના આધારે પોલીસે તાત્કાલિક કાર્યવાહી કરી આરોપી મોહસીન ખાનની ધરપકડ કરી છે. પોલીસે તેની પાસેથી મોહિત પટેલના નામવાળા બનાવટી આધાર કાર્ડની ઝેરોક્સ કબજે કરી છે.

પોલીસે હવે નકલી આધાર કાર્ડ બનાવવામાં તેને કોણે મદદ કરી ? શું આરોપીએ આ પહેલા અન્ય કોઈ યુવતીઓને પણ આ રીતે પોતાની જાળમાં ફસાવી છે ? તેમજ તેના અન્ય સોશિયલ મીડિયા એકાઉન્ટ્સ અને ફોન રેકોર્ડ્સની ઝીણવટભરી તપાસ હાથ ધરવામાં આવી છે.