ભારે વરસાદને કારણે રસ્તાઓ, ખેતી અને અન્ય પ્રાથમિક સુવિધાઓ પર થયેલી અસર અંગે માહિતી મેળવી હતી. સાથે જ સંબંધિત વિભાગોના અધિકારીઓ સાથે પરિસ્થિતિની સમીક્ષા કરીને રાહત અને પુનઃસ્થાપન કામગીરી ઝડપથી પૂર્ણ કરવા સૂચનાઓ આપી હતી.

સાંસદ ભરતભાઈ સુતરીયાએ જણાવ્યું હતું કે અસરગ્રસ્ત પરિવારોને સમયસર સરકારી સહાય મળે, નુકસાનનું યોગ્ય મૂલ્યાંકન કરવામાં આવે અને જરૂરી તમામ સુવિધાઓ ઉપલબ્ધ કરાવવામાં આવે તે માટે તંત્ર સતત કાર્યરત છે. તેમણે અધિકારીઓને જનજીવન ઝડપથી પૂર્વવત્ બને તે માટે અસરકારક કામગીરી હાથ ધરવા સૂચના આપી હતી. મુલાકાત દરમિયાન સ્થાનિક આગેવાનો, ગ્રામજનો અને અધિકારીઓ પણ મોટી સંખ્યામાં ઉપસ્થિત રહ્યા હતા.

---------------

હિન્દુસ્થાન સમાચાર / Gondaliya Abhishek Nandrambhai