પ્રાથમિક માહિતી મુજબ દેવકા ગામમાં સોનાની બુટ્ટીની ચોરી અંગે ફરિયાદ નોંધાયા બાદ ડુંગર પોલીસે વિવિધ દિશામાં તપાસ શરૂ કરી હતી. તપાસ દરમિયાન મળેલા પુરાવા, ટેક્નિકલ માહિતી અને સ્થાનિક બાતમીના આધારે પોલીસે રૂપાબેન પરમાર સુધી પહોંચીને તેમની પૂછપરછ કરી હતી. પૂછપરછ દરમિયાન ચોરી અંગે મહત્વની વિગતો સામે આવતાં પોલીસે તેમની ધરપકડ કરી હતી.

આરોપી પાસેથી ચોરીમાં ગયેલી સોનાની બુટ્ટી સહિતનો મુદ્દામાલ જપ્ત કરીને પોલીસે કાયદેસરની કાર્યવાહી હાથ ધરી છે. સમગ્ર મામલે ડુંગર પોલીસ વધુ તપાસ કરી રહી છે કે આરોપીએ અન્ય કોઈ ગુનાઓ આચર્યા છે કે કેમ તેમજ આ ગુનામાં અન્ય કોઈ વ્યક્તિની સંડોવણી છે કે નહીં તે દિશામાં પણ તપાસ ચાલી રહી છે. પોલીસની ઝડપી કામગીરીને કારણે ચોરીનો ભેદ ટૂંકા સમયમાં ઉકેલાતા સ્થાનિક લોકોમાં સંતોષની લાગણી જોવા મળી છે.

---------------

હિન્દુસ્થાન સમાચાર / Gondaliya Abhishek Nandrambhai