રાહત અને બચાવ કામગીરી અસરકારક રીતે આગળ વધે, નુકસાનનું ઝડપથી સર્વેક્ષણ પૂર્ણ થાય અને અસરગ્રસ્ત પરિવારો સુધી સરકારી સહાય સમયસર પહોંચે તે માટે જરૂરી ચર્ચા કરીને અધિકારીઓને સૂચનાઓ આપી હતી.

ધારાસભ્ય મહેશભાઈ કસવાળાએ જણાવ્યું હતું કે દરેક જરૂરિયાતમંદ વ્યક્તિ સુધી સહાય પહોંચાડવી સરકારની પ્રાથમિકતા છે. જનજીવન ઝડપથી પૂર્વવત્ બને અને લોકોને કોઈપણ પ્રકારની મુશ્કેલીનો સામનો ન કરવો પડે તે માટે તંત્ર સતત દેખરેખ રાખી રહ્યું છે. તેમણે અધિકારીઓને તમામ વિભાગો વચ્ચે સંકલન જાળવી કામગીરીમાં ઝડપ લાવવા પણ જણાવ્યું હતું.

મુલાકાત દરમિયાન સ્થાનિક આગેવાનો, ગ્રામજનો અને વિવિધ વિભાગોના અધિકારીઓ ઉપસ્થિત રહ્યા હતા. વરસાદથી અસરગ્રસ્ત વિસ્તારોમાં રાહત અને પુનઃસ્થાપન કામગીરી યુદ્ધના ધોરણે ચાલુ હોવાનું પણ ધારાસભ્યએ જણાવ્યું હતું.

---------------

હિન્દુસ્થાન સમાચાર / Gondaliya Abhishek Nandrambhai