આ કાર્યક્રમ અંતર્ગત રાષ્ટ્રીય રસીકરણ કાર્યક્રમ મુજબ પાત્ર બાળકોને ડીપીટી બુસ્ટર-2 (DPT Booster-2) તથા ટીડી-10 (Td-10) રસી આપવામાં આવી હતી. આ રસીકરણનો મુખ્ય હેતુ બાળકોને ડિફ્થેરિયા, કાળી ખાંસી (પર્ટ્યુસિસ) અને ધનુર (ટેટનસ) જેવા ગંભીર રોગોથી સુરક્ષા પૂરી પાડવાનો છે. શાળા આધારિત અભિયાન દ્વારા પાત્ર બાળકો સુધી રસીકરણની પહોંચ સુનિશ્ચિત કરવામાં આવે છે.

કાર્યક્રમ દરમિયાન આરોગ્ય વિભાગની ટીમ દ્વારા બાળકોના આરોગ્યની જરૂરી કાળજી રાખી સુરક્ષિત રીતે રસીકરણ કરવામાં આવ્યું હતું. આ કાર્યક્રમમાં ANM, CHO, MPHW તેમજ આશા બહેનોએ ઉત્સાહપૂર્વક કામગીરી કરી હતી. શાળાના આચાર્ય શિક્ષકગણ તથા સ્ટાફે પણ સંપૂર્ણ સહયોગ આપ્યો હતો.

આયુષ્માન આરોગ્ય મંદિર, ચોકી દ્વારા વાલીઓને બાળકોનું સમયસર રસીકરણ કરાવવા અને રાષ્ટ્રીય રસીકરણ કાર્યક્રમમાં સહભાગી બનવા અપીલ કરવામાં આવી હતી.

---------------

હિન્દુસ્થાન સમાચાર / ભરતસિંહ જાદવ