વિદેશ મંત્રાલયના જણાવ્યા અનુસાર, પશ્ચિમ એશિયામાં ચાલી રહેલા તણાવ અને સુરક્ષા પરિસ્થિતિને કારણે 28 ફેબ્રુઆરીથી આ પ્રદેશોમાં નિયમિત ફ્લાઇટ્સ સ્થગિત કરવામાં આવી હતી. ખાડી દેશોમાં દુશ્મનાવટ ફાટી નીકળ્યા બાદ, નેપાળ સરકારે ઘરે પાછા ફરવા માંગતા નેપાળી નાગરિકોને ઓનલાઇન અરજી કરવા અપીલ કરી હતી. અત્યાર સુધીમાં, આશરે 70,000 નેપાળી નાગરિકોએ સ્વદેશ પરત ફરવા માટે ઓનલાઇન અરજી કરી છે. સરકાર 3 એપ્રિલથી ત્રણ દિવસમાં નેપાળ એરલાઇન્સ દ્વારા ચાર ફ્લાઇટ્સનું સંચાલન કરશે.

વિદેશ મંત્રાલયે ફ્લાઇટ શેડ્યૂલ પણ જાહેર કર્યું છે, જેમાં 3 એપ્રિલે કાઠમંડુ-દુબઈથી 23:15 (સ્થાનિક સમય) વાગ્યે, 4 એપ્રિલે દુબઈ-કાઠમંડુ 04:10 (સ્થાનિક સમય) વાગ્યે, 5 એપ્રિલે કાઠમંડુ-દમામ 08:30 (સ્થાનિક સમય) વાગ્યે અને 5 એપ્રિલે દમામ-કાઠમંડુ 12:20 (સ્થાનિક સમય) વાગ્યે ફ્લાઇટ્સનો સમાવેશ થાય છે.

હિન્દુસ્થાન સમાચાર / પંકજ દાસ / સુનિત નિગમ

હિન્દુસ્થાન સમાચાર / ડો.હિતેશ એન.વ્યાસ