ભાવનગર, 27 ઓગસ્ટ (હિ.સ.) : ભાવનગર જિલ્લાના મહુવા માર્કેટિંગ યાર્ડમાં આજે લાલ ડુંગળીની સારી આવક નોંધાઈ હતી. યાર્ડમાં કુલ 4,233 કટ્ટા લાલ ડુંગળીની આવક થઈ હતી. વિવિધ ગુણવત્તાની લાલ ડુંગળીના ખેડૂતોને મળેલા ભાવમાં પણ તફાવત જોવા મળ્યો હતો. આજે લાલ ડુંગળીના ભાવ રૂ.80થી લઈને મહત્તમ રૂ.835 પ્રતિ મણ સુધી રહ્યા હતા.
મહુવા માર્કેટિંગ યાર્ડ ડુંગળીના મોટા વેપાર કેન્દ્ર તરીકે જાણીતું હોવાથી આસપાસના વિસ્તારોમાંથી મોટી સંખ્યામાં ખેડૂતો પોતાની ઉપજ વેચાણ માટે યાર્ડમાં લાવે છે.
આજે પણ લાલ ડુંગળીની નોંધપાત્ર આવકને પગલે યાર્ડમાં દિવસ દરમિયાન ચહલપહલ જોવા મળી હતી. ગુણવત્તા, કદ અને ઉત્પાદનની સ્થિતિ પ્રમાણે ડુંગળીના ભાવ નક્કી થયા હતા.
બીજી તરફ, યાર્ડમાં સફેદ ડુંગળીની પણ 1,182 કટ્ટાની આવક નોંધાઈ હતી. સફેદ ડુંગળીના ભાવ આજે રૂ.182થી રૂ.569 પ્રતિ મણ સુધી રહ્યા હતા. સફેદ ડુંગળીના ભાવમાં પણ ગુણવત્તા પ્રમાણે વધઘટ જોવા મળી હતી.
હાલ ડુંગળીના ભાવ અને આવક ખેડૂતો માટે મહત્વપૂર્ણ બની રહ્યા છે. ઉત્પાદન ખર્ચ, સંગ્રહ વ્યવસ્થા તથા બજારભાવને ધ્યાનમાં રાખીને ખેડૂતો પોતાની ઉપજનું વેચાણ કરી રહ્યા છે. મહુવા યાર્ડમાં આજે લાલ અને સફેદ બંને પ્રકારની ડુંગળીની મળેલી આવક અને ભાવોએ સ્થાનિક કૃષિ બજારની સ્થિતિનો ચિતાર આપ્યો હતો. આગામી દિવસોમાં આવક વધે કે ઘટે તેના આધારે ડુંગળીના ભાવમાં પણ ફેરફાર થવાની શક્યતા છે.
---------------
હિન્દુસ્થાન સમાચાર / DISHANT NANDRAMBHAI GONADLIYA