આવો જાણીએ જન્માષ્ટમીની સાચી તારીખ શું છે અને ભગવાન શ્રીકૃષ્ણની પૂજાનું મુહૂર્ત શું રહેશે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

ક્યારે ઉજવાશે જન્માષ્ટમી?

જ્યોતિષાચાર્ય પ્રવીણ મિશ્રાના જણાવ્યા અનુસાર, 4 સપ્ટેમ્બરના રોજ રાત્રે 11:57 વાગ્યાથી 5 સપ્ટેમ્બરના રોજ રાત્રે 12:43 વાગ્યા સુધી ભાદરવા કૃષ્ણ અષ્ટમી તિથિ રહેશે. જન્માષ્ટમી ભાદરવા કૃષ્ણ અષ્ટમી, રોહિણી નક્ષત્ર અને મધ્યરાત્રિના સંયોગમાં ઉજવવામાં આવતી હોવાથી, આ વખતે જન્માષ્ટમીનો તહેવાર 4 સપ્ટેમ્બરે જ ઉજવવામાં આવશે. આ સમય દરમિયાન જ લાડુ ગોપાલનો અભિષેક અને પૂજા કરવામાં આવે છે. જન્માષ્ટમી પર મધ્યરાત્રિનો સમય વિશેષ માનવામાં આવે છે. આ સમયે ભક્તો ભગવાન કૃષ્ણનો જન્મોત્સવ ઉજવે છે. પૂજામાં પંચામૃતથી અભિષેક, નવા વસ્ત્રો પહેરાવવા, તિલક કરવું અને આરતી કરવાની પરંપરા છે.

પૂજાનું શુભ મુહૂર્ત શું છે?

શ્રીકૃષ્ણ જન્માષ્ટમીના દિવસે બપોરના સમયે પૂજા કરવા માટે અભિજીત મુહૂર્ત રહેશે, જેનો સમય સવારે 11:55 વાગ્યાથી બપોરે 12:45 વાગ્યા સુધીનો રહેશે. ત્યારબાદ રાત્રિના સમયે પૂજાનું મુહૂર્ત નિશિતા કાળમાં રહેશે. આ દિવસે નિશિતા કાળ રાત્રે 11:57 વાગ્યાથી રાત્રે 12:43 વાગ્યા સુધી રહેશે.

US સેનામાં AIનો પ્રવેશ, ChatGPT અને Grokનો આ રીતે થશે ઉપયોગ

અષ્ટમી સાથે રોહિણી નક્ષત્રનો સંયોગ

આ વખતે જન્માષ્ટમીને ખાસ બનાવતું મુખ્ય કારણ અષ્ટમી તિથિ અને રોહિણી નક્ષત્રનું એકસાથે હોવું છે. 4 સપ્ટેમ્બરની મધ્યરાત્રિએ જ્યારે જન્મોત્સવ ઉજવવામાં આવશે ત્યારે આ સંયોગ રહેશે. ધાર્મિક માન્યતા અનુસાર, દ્વાપર યુગમાં ભગવાન કૃષ્ણના જન્મ સમયે પણ અષ્ટમી તિથિ અને રોહિણી નક્ષત્રનો સંયોગ હતો.

પારણાનો સમય

જ્યોતિષવિદના જણાવ્યા મુજબ, રાત્રે શ્રીકૃષ્ણ જન્મોત્સવ પૂર્ણ થયા પછી તરત જ વ્રત છોડવું યોગ્ય માનવામાં આવતું નથી. વ્રત રાખનારા ભક્તો 5 સપ્ટેમ્બરે સવારે 6:05 વાગ્યા પછી પારણા કરી શકે છે. રાત્રે જન્મોત્સવ પછી ફળ અને દૂધ વગેરે ગ્રહણ કરવાનું કહેવામાં આવ્યું છે. બીજા દિવસે ભગવાનને ભોગ લગાવ્યા બાદ પ્રસાદ લઈને વ્રતનું પારણ કરી શકાય છે.

SBI ગ્રાહક માટે ચેતવણીઃ આ દિવસે બંધ રહેશે UPI, નહીં થાય નાણાંની આપ-લે