નવી દિલ્હી: આખી દુનિયા હાલના સમયમાં યુદ્ધ, સપ્લાય ચેનની તકલીફ અને આર્થિંક મંદી સાથે ઝઝૂમી રહી છે. આવા મુશ્કેલ સમયમાં ભારતીય અર્થવ્યવસ્થાએ શાનદાર પ્રદર્શન કર્યું છે. નાણાકીય વર્ષ 2026-27ના પહેલા ક્વાર્ટરમાં ભારતનો જીડીપી ગ્રોથ 7.8 ટકા નોંધાયો છે. એક તરફ ગ્લોબલ ક્રાઈસિંસ છે, તો બીજી તરફ ભારતની અંદર પણ અમુક લોકો નિરાશાનો માહોલ બનાવવામાં લાગ્યા છે.
આ બધા પડકારોને પાર કરતા દેશના વિકાસની તેજ રફ્તાર પકડી લીધી છે. સામાન્ય જનતાની ભાગીદારીએ આ ગ્રોથને શક્ય બનાવ્યું છે.
નિરાશા ફેલાવનારાઓને કડક જવાબ મળ્યો
સરકારે આ સફળતાનો શ્રેય દેશવાસીઓની સંકલ્પ શક્તિને આપ્યો છે. દેશમાં અમુક લોકો જૂઠની ગૂંજના સહારે નિરાશા ફેલાવવાની કોશિશ કરી રહ્યા છે. તેમ છતાં 140 કરોડ ભારતીયોની એકજૂટતા દેશને નવી ઊંચાઈ પર લઈ જઈ રહ્યા છે. વર્ષ 2020માં આવેલા કોવિડ સંકટ બાદથી દુનિયામાં ક્યાંય પણ સ્થિરતા નથી. પણ ભારતે દરેક અડચણને પાર કરતા આગળ વધ્યું છે. આ આપણી સામૂહિક શક્તિનું જ પરિણામ છે કે અર્થવ્યવસ્થા આટલી મજબૂત બની છે.
સ્વદેશીનો મંત્ર, વિદેશી લગ્નોથી દૂર રહેવાની સલાહ
વિકાસની આ ગતિ જાળવી રાખવા માટે આત્મનિર્ભર ભારત બનવું ખૂબ જ જરૂરી છે. સરકારે લોકોને 'વોકલ ફોર લોકલ' અને 'મેક ઇન ઇન્ડિયા' અપનાવવાની અપીલ કરી છે. સાથે જ કેટલીક ખાસ સલાહ પણ આપવામાં આવી છે. બિનજરૂરી વિદેશ પ્રવાસથી બચવા અને વિદેશમાં ડેસ્ટિનેશન વેડિંગ ન કરવા માટે કહેવામાં આવ્યું છે. ખૂબ જરૂરી ન હોય તો સોનું ખરીદવાનું પણ ટાળવાની સલાહ આપવામાં આવી છે. આપણે જેટલો વધુ સ્વદેશી વસ્તુઓ પર ભાર મૂકીશું, એટલું જ સ્વતંત્રતાના 100મા વર્ષ સુધી યુવાનોને વિકસિત ભારત આપી શકીશું.
મેન્યુફેક્ચરિંગ સેક્ટરમાં જબરદસ્ત ઉછાળો
અમેરિકાના નોર્થ કેરોલિનાથી નાણામંત્રી નિર્મલા સીતારમણે પણ આ આંકડાઓ અંગે ખુશી વ્યક્ત કરી છે. તેમના જણાવ્યા મુજબ આ માત્ર એક આંકડો નથી, પરંતુ દરેક સેક્ટરમાં વિકાસ જોવા મળી રહ્યો છે. મેન્યુફેક્ચરિંગ સેક્ટરે 9.2 ટકાનો શાનદાર વિકાસ નોંધાવ્યો છે. વૈશ્વિક પડકારો છતાં ભારતીય અર્થવ્યવસ્થા 7.8 ટકાના દરે વધી રહી છે, તો તે સીધી રીતે ભારતીયોની મહેનતનું પરિણામ છે.
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
જૂના કાયદા દૂર થતાં વધ્યો વિશ્વાસ
આ મજબૂત આર્થિક વિકાસમાં રાજ્યોની ભૂમિકા પણ મહત્વપૂર્ણ રહી છે. વેપારને સરળ બનાવવા માટે સરકારે નાગરિકો અને ઉદ્યોગો પરનો કમ્પ્લાયન્સનો બોજ ઘટાડ્યો છે. લગભગ એક હજાર જૂના કાયદાઓ રદ કરવામાં આવ્યા છે. આ ઉપરાંત 40 હજારથી વધુ નિયમોને સરળ બનાવવામાં આવ્યા છે.
સરકાર ઉદ્યોગ જગત સાથે સતત સંવાદ કરી રહી છે અને દ્વિપક્ષીય વેપાર કરારો પણ કરવામાં આવી રહ્યા છે. વિદેશી રોકાણ તેમજ બિનનિવાસી ભારતીયોનું નાણું સતત ભારતીય બેંકોમાં આવી રહ્યું છે. આ બાબત એનો સ્પષ્ટ સંકેત છે કે ભારતીય બેન્કિંગ સિસ્ટમ પ્રત્યે લોકોનો વિશ્વાસ નોંધપાત્ર રીતે વધ્યો છે.