સતત ખરાબ બેટિંગનું પરિણામ એ આવ્યું કે તે ફરી એકવાર બેટ્સમેનોની ટેસ્ટ રેન્કિંગમાં ટોપ-10માંથી બહાર થઈ ગયો છે. લોર્ડ્સ ટેસ્ટની બંને ઇનિંગ્સ મળીને બાબર માત્ર 14 રન જ બનાવી શક્યો હતો. આ નિરાશાજનક પ્રદર્શનને કારણે તે રેન્કિંગમાં 5 સ્થાન નીચે ઘસીને 15મા નંબરે આવી ગયો છે. રસપ્રદ વાત એ છે કે લગભગ બે વર્ષ પછી ગયા મહિને એટલે કે ઓગસ્ટમાં જ તેણે વેસ્ટ ઈન્ડિઝ સામે સારું રમીને ટોપ-10માં વાપસી કરી હતી. પરંતુ તેની આ ખુશી વધુ દિવસ ટકી શકી નથી.

36 ઇનિંગ્સથી નથી આવી એક પણ સદી

બાબર આઝમનું બેટ લાંબા સમયથી શાંત છે. ડિસેમ્બર 2022 પછી તેના બેટથી ટેસ્ટ ક્રિકેટમાં કોઈ સદી નીકળી નથી. આ દુષ્કાળ હવે 36 ઇનિંગ્સ સુધી લંબાઈ ચૂક્યો છે, જેના કારણે તેના રેડ-બોલ ફોર્મ પર સતત સવાલો ઊભા થઈ રહ્યા છે.

બેંકોની આંખમાં ધૂળ નાખીને આચરાઈ રૂ. 4.95 કરોડની છેતરપિંડી: SBI ની ફરિયાદ બાદ CID ક્રાઈમ બ્રાન્ચે હાથ ધરી તપાસ

લોર્ડ્સમાં અત્યંત ખરાબ રહ્યું ટીમનું પ્રદર્શન

બીજી તરફ સમગ્ર પાકિસ્તાની ટીમનું પ્રદર્શન પણ લોર્ડ્સમાં અત્યંત ખરાબ રહ્યું હતું. પહેલી ઇનિંગ્સમાં ટીમ માત્ર 110 રનમાં ઓલઆઉટ થઈ ગઈ હતી અને બીજી ઇનિંગ્સમાં 389 રનનો પીછો કરતા 194 રન જ બનાવી શકી હતી. ઈંગ્લેન્ડે આ મેચ 194 રનથી જીતીને ત્રણ મેચની સિરીઝમાં 2-0 ની અજેય સરસાઈ મેળવી લીધી છે.

કેટલાક પાકિસ્તાની ખેલાડીઓને થયો ફાયદો

બાબર આઝમનો ગ્રાફ ભલે નીચે પડ્યો હોય, પરંતુ લોર્ડ્સ ટેસ્ટ પછી કેટલાક પાકિસ્તાની ખેલાડીઓની રેન્કિંગમાં જબરદસ્ત ઉછાળો આવ્યો છે. બીજી ઇનિંગ્સમાં 97 રનની શાનદાર અને સંઘર્ષપૂર્ણ ઇનિંગ્સ રમનારા સઉદ શકીલને 15 સ્થાનનો ફાયદો થયો છે. તે હવે 18મા નંબરે પહોંચી ગયો છે.

ઝડપી બોલર મોહમ્મદ અબ્બાસે મેચમાં 9 વિકેટ ઝડપી હતી, જેનાથી તે 10 સ્થાનની છલાંગ લગાવીને બોલરોની રેન્કિંગમાં સંયુક્ત રીતે 15મા સ્થાને આવી ગયો છે. તો 5 વિકેટ લેનારા મોહમ્મદ અલીને પણ 11 સ્થાનનો ફાયદો થયો છે અને તે 81મા નંબરે પહોંચી ગયો છે.

ભલે કેટલાક ખેલાડીઓની રેન્કિંગ સુધરી હોય, પરંતુ પાકિસ્તાન માટે આ સિરીઝ કોઈ ખરાબ સ્વપ્ન જેવી રહી છે. હવે સિરીઝની ત્રીજી અને છેલ્લી ટેસ્ટ 9 સપ્ટેમ્બરથી બર્મિંગહામમાં રમાવાની છે. પાકિસ્તાનની ટીમ જો આ મેચ ન જીતી શકી કે ડ્રો ન કરાવી શકી તો તેનો વ્હાઈટવોશ (ક્લીન સ્વીપ) થવો નક્કી છે.