બારગી ડેમ ક્રુઝ શિપની અંદરથી એક નવો વીડિયો સામે આવ્યો છે. આ એ જ ક્રુઝ શિપ છે જે આ સપ્તાહની શરૂઆતમાં પલટી ગઈ હતી. આ વીડિયો મધ્યપ્રદેશની સૌથી ભયંકર પર્યટન દુર્ઘટના પહેલાની અંતિમ ક્ષણો દર્શાવે છે, જે મૂળભૂત સલામતીના પગલાંનો સંપૂર્ણ ભંગ દર્શાવે છે.

ફૂટેજમાં ક્રૂઝ સ્ટાફ લાઈફ જેકેટ ખોલતા દેખાયા

ફૂટેજમાં દેખાય છે કે, ક્રુઝ શિપની અંદર મુસાફરો બેઠેલા છે, ત્યારે અચાનક, પાણી ઝડપથી વહાણમાં ભરાવાનું શરૂ થાય છે.

થોડીવારમાં, આનંદી વાતાવરણ ચીસોમાં ફેરવાઈ જાય છે. જેમ જેમ તોફાન વધે છે, તેમ તેમ હોડી ધ્રુજવા લાગે છે.આ દરમ્યાન ક્રુઝ સ્ટાફ ગભરાઈને લાઇફ જેકેટ ખોલતા દેખાઈ રહ્યા છે. મુસાફરો ભયમાં આમતેમ દોડવા લાગે છે; તેમાંથી ઘણા યાત્રીઓ પાસે લાઈફ જેકેટ નથી અને તેઓ તેને બંધ છાજલીઓમાંથી બહાર કાઢવા માટે સખત સંઘર્ષ કરે છે.

આ વીડિયો તે બચેલા મુસાફરોના આરોપોનો પુરાવો બની ગયો છે કે, જેઓએ કહ્યું હતું કે, મૂળભૂત સલામતી નિયમોનું પાલન કરવામાં આવ્યું ન હતું અને તેમને ભારે તોફાન વચ્ચે પોતાને બચાવવા માટે છોડી દેવામાં આવ્યા હતા.ઇનલેન્ડ વેસેલ્સ એક્ટ, 2021 હેઠળ, દરેક મુસાફરને લાઇફ જેકેટ આપવું આવશ્યક છે અને તેને સવારી કરતા પહેલા યોગ્ય રીતે પહેરવું આવશ્યક છે. જો કે, પ્રારંભિક તપાસ સૂચવે છે કે આ અનિવાર્ય નિયમનું ઘોર ઉલ્લંઘન કરવામાં આવ્યું હોઈ શકે છે.

અમારી WhatsApp ચેનલમાં જોડાવા આ લિંક પર ક્લીક કરો

https://whatsapp.com/channel/0029VauCUMx6LwHmdrOBwa2X

આ ક્રુઝ શિપ 40થી વધુ પ્રવાસીઓને લઈ જઈ રહ્યું હતું, જ્યારે ફક્ત 29 મુસાફરો માટે ટિકિટ જારી કરવામાં આવી હોવાના અહેવાલ છે. ભારતીય હવામાન વિભાગે પહેલાથી જ “ઓરેન્જ એલર્ટ” જારી કર્યું હોવા છતાં, ઓવરલોડેડ જહાજને બરગી ડેમના પાણીમાં પ્રવેશવાની મંજૂરી આપવામાં આવી હતી. આ ચેતવણીમાં ગંભીર હવામાન અને તોફાની પવનની ચેતવણી આપવામાં આવી હતી, જેની ઝડપ આશરે 50 કિલોમીટર પ્રતિ કલાક સુધી પહોંચવાની ધારણા છે.

હજુ ત્રણ બાળકો સહિત ચાર લોકો ગુમ

અત્યાર સુધીમાં નવ મૃતદેહો મળી આવ્યા છે. ત્રણ બાળકો સહિત ચાર લોકો હજુ પણ ગુમ છે. સતત ભારે વરસાદને કારણે શુક્રવારે સાંજે શોધખોળ કામગીરી અટકાવવામાં આવી હતી; ટીમો શનિવારે સવારે 5 વાગ્યે ફરી કામગીરી શરૂ કરશે. બચી ગયેલા મુસાફરોમાં 72 વર્ષીય રિયાઝ હુસૈનનો સમાવેશ થાય છે, જે લગભગ ચાર કલાક સુધી પાણીની અંદર રહ્યાના અહેવાલ છે. જ્યારે બોટ ખતરનાક રીતે એક તરફ ઝૂકી ગઈ, ત્યારે મુસાફરોએ લગભગ અડધો કલાક ગભરાટમાં દોડવામાં વિતાવ્યો, પરંતુ કોઈ બચાવ કામગીરી જોવા મળી નહીં.