તેમણે વધુમાં જણાવ્યું, “હું આને ભગવાન રામના આશીર્વાદ માનું છું કે વાયુસેનામાં 43 વર્ષ સુધી રાષ્ટ્ર સેવા કર્યા પછી, તેમણે મને શ્રીરામ મંદિર અને શ્રીરામ ભક્તોની સેવા કરવાની આ તક આપી છે.” મિશ્રાએ આગળ પ્રાર્થના કરતાં કહ્યું, “હું પ્રભુને એ જ પ્રાર્થના કરીશ કે તેઓ મને એટલું સામર્થ્ય આપે જેથી હું આ કાર્યને સંપૂર્ણ નિષ્ઠા અને સારી રીતે પૂર્ણ કરી શકું.”

અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X

સીઈઓ બન્યા બાદ જિતેન્દ્ર મિશ્રા શું બોલ્યા?

સીઈઓ બન્યા પછી પસંદગી પ્રક્રિયા અંગે જિતેન્દ્ર મિશ્રાએ જણાવ્યું, “પસંદગી સમિતિની જે પ્રક્રિયા હતી, મને લાગે છે કે તેને તેમણે અગાઉ મીડિયા અને ઇન્ટરનેટ પર પ્રસારિત કરી હતી અને તેમની આખી પ્રક્રિયા તેમજ સમયરેખા (ટાઇમલાઇન) વારંવાર ટીવી પર આવતી રહી છે. આ પ્રક્રિયા વિશે પસંદગી સમિતિ જ વધુ વિગતવાર જણાવી શકશે.” તેમણે આગળ કહ્યું, “સૌપ્રથમ તો હું પસંદગી સમિતિ, રામ મંદિર ટ્રસ્ટ અને પ્રભુ શ્રીરામનો આભારી છું કે મને આ મહત્વપૂર્ણ જવાબદારી માટે પસંદ કરવામાં આવ્યો છે.”

બીજી તરફ, રામ મંદિરમાં થયેલી દાનની ચોરી અંગે સીધી વાત કરવાનું ટાળતાં તેમણે કહ્યું, “હું વીતી ગયેલા સમયની વાત કરવા કરતાં આવનારા સમય વિશે વધુ વાત કરવા માગીશ. તમે વીતી ગયેલા સમયને ભૂલી જાવ અને આવનારા સમયમાં અમે પ્રભુ રામની કૃપાથી ખૂબ જ ઉત્તમ રીતે આ કાર્યને સંભાળી શકીશું.”

જિતેન્દ્ર મિશ્રાએ જણાવ્યો આગળનો પ્લાન

રામ મંદિરના નવા સીઈઓ બન્યા બાદ આગળના પ્લાન અંગે પૂછવામાં આવેલા સવાલ પર તેમણે જણાવ્યું, “હજુ થોડા સમય પહેલાં જ મારી સીઈઓ તરીકે પસંદગી થઈ છે. એવા સંજોગોમાં મને નથી લાગતું કે આ સમયે આ સવાલ પ્રસ્તુત છે. હું જ્યારે સીઈઓ તરીકે સત્તાવાર કાર્યભાર સંભાળી લઈશ, ત્યારે ટ્રસ્ટના સહિયારા પ્રયાસો અને મારી ટીમના સહયોગથી રામ મંદિર માટે જે પણ શ્રેષ્ઠમાં શ્રેષ્ઠ કાર્ય થઈ શકશે, તે કરવાનો હું પૂરેપૂરો પ્રયત્ન કરીશ.”