Mountain roads is dangerous: પર્વતીય વિસ્તારોમાં વાહન ચલાવવું હંમેશા જોખમી બની શકે છે, અને તાજેતરમાં વાયરલ થયેલા એક વીડિયોએ આ વાતને ફરી સાબિત કરી છે. સોશિયલ મીડિયા પર વાયરલ થયેલા વીડિયોમાં એક ટ્રક અચાનક રસ્તા સાથે ધસી જતો જોવા મળે છે, જેને જોઈને લોકો ચોંકી ગયા છે.
માહિતી મુજબ, આ ઘટના હિમાચલ પ્રદેશના મનાલી નજીક શિંકુલા ટોપ વિસ્તારમાં બની હતી.
વીડિયોમાં જોવા મળે છે કે એક ભારે ભરખમ ટ્રક સામાન્ય ઝડપે રસ્તા પર જઈ રહ્યો હતો. શરૂઆતમાં બધું સામાન્ય લાગતું હતું, પરંતુ અચાનક ટ્રકના વજનને કારણે રસ્તો ધસી ગયો અને ટ્રક જમીનમાં ફસાઈ ગયો.
ટ્રકના પાછળ ચાલતી કારના ડ્રાઈવરે તાત્કાલિક સાવચેતી દાખવી અને પોતાની ગાડી રોકી દીધી. આ કારણે મોટી દુર્ઘટના ટળી ગઈ. ઘટનાનો વીડિયો સોશિયલ મીડિયા પર ખૂબ ઝડપથી વાયરલ થયો છે.+
અમારી WhatsApp ચેનલમાં જોડાવા આ લિંક પર ક્લીક કરો
https://whatsapp.com/channel/0029VauCUMx6LwHmdrOBwa2X
JCB દ્વારા બચાવ કામગીરી
ઘટના બાદ સ્થળ પર JCB મશીન લાવવામાં આવી અને ટ્રકને બહાર કાઢવાના પ્રયાસો શરૂ કરવામાં આવ્યા. રસ્તા પર માટી નાખીને સ્થિતિ નિયંત્રિત કરવાનો પ્રયાસ થયો. ઘટનાને જોવા માટે આસપાસના લોકોની ભીડ પણ એકત્ર થઈ ગઈ હતી.
ટ્રક ડ્રાઈવરે સમયસર સાવચેતી દાખવી અને ટ્રકમાંથી બહાર કૂદી જવાથી તેનો જીવ બચી ગયો.
સોશિયલ મીડિયા પર પ્રતિક્રિયા
આ વીડિયો પર લાખો વ્યૂઝ અને હજારો કોમેન્ટ્સ આવી રહી છે. ઘણા યુઝર્સે સલામત અંતર રાખવાની જરૂરિયાત પર ભાર મૂક્યો છે, તો કેટલાકે પર્વતીય રસ્તાઓ પર સાવચેતી રાખવાની સલાહ આપી છે.
એક યુઝરે લખ્યું કે, "પાછળનો ડ્રાઈવર રસ્તો મળશે એવું વિચારી રહ્યો હતો, પરંતુ અહીં તો રસ્તો જ ગાયબ થઈ ગયો."
સાવચેતી જ સુરક્ષા
આ ઘટના ફરી યાદ અપાવે છે કે પર્વતીય વિસ્તારોમાં રસ્તાઓ અચાનક ધસી શકે છે. તેથી આવા વિસ્તારોમાં વાહન ચલાવતા સમયે વધારે સાવચેતી રાખવી ખૂબ જરૂરી છે. સ્થાનિક લોકોની સલાહ અને અનુભવ પણ આવા પ્રવાસમાં મહત્વપૂર્ણ સાબિત થાય છે.
જાહેર રોડ પર મહિલાએ બાળકને જન્મ આપ્યો, રાહદારીઓએ ડિલિવરી કરાવી, હવે એક્શન લેવાશે