મહાનગરપાલિકાના ટાઉન પ્લાનિંગ વિભાગને ફરિયાદ મળી હતી કે છાંયા દેવજી ચોક વિસ્તારમાં 6 ફૂટના જાહેર રસ્તા પર 4 ફૂટ જેટલી દિવાલ ઉભી કરીને ગેરકાયદે દબાણ કરવામાં આવ્યું છે, જેના કારણે સ્થાનિક લોકોને અવરજવરમાં ભારે હાલાકી પડતી હતી.ફરિયાદના આધારે ટાઉન પ્લાનિંગ શાખા અને સેનિટેશન વિભાગની ટીમે સ્થળ પર જઈને જરૂરી ઓજારોની મદદથી કાર્યવાહી હાથ ધરી હતી. જેમાં 6 ફૂટના રસ્તા પર કરાયેલ 4 ફૂટની દિવાલનું દબાણ, ઉપરાંત ત્યાં બનાવવામાં આવેલ કમ્પાઉન્ડ હોલ અને બાથરૂમનું ગેરકાયદે બાંધકામ પણ તોડી પાડી દૂર કરવામાં આવ્યું હતું.પોરબંદર મહાનગરપાલિકા દ્વારા જણાવવામાં આવ્યું છે કે શહેરના જાહેર માર્ગો અને જાહેર સ્થળો પરના અનધિકૃત દબાણો સામે નિયમોનુસાર કડક કાર્યવાહી સતત ચાલુ રાખવામાં આવશે.