ઢસા પોલીસ સ્ટેશન વિસ્તારના અનીડા ગામની સીમમાંથી એકાદ માસ પૂર્વે રાજ્યના સ્ટેટ મોનીટરીંગ સેલ દ્વારા રેડ કરતા રૂપિયા 55.77 લાખનો દારૂ મુદ્દામાલ કબ્જે કરાયો હતો. આ તળભની રેડના પગલે ફરજમાં બેદરકારી સબબ ઢસાના પીઆઈ એમ.ડી. પંચાલને નિષ્કાળજી બદલ સસ્પેન્ડ કરવામાં આવ્યા છે. આ સસ્પેન્શન દરમિયાન રાજકોટ હેડક્વાર્ટર ખાતે બદલી કરી ગઢડા પીઆઇ ને ચાર્જ સોંપવામાં આવ્યો છે. હાલના તબક્કે ગઢડા પીઆઇ કે.એન. ચોપરા રજા ઉપર હોવાથી હાજર થાય ત્યાં સુધી વી.એલ. સાકરીયા ઢસા પોલીસ મથકનો ચાર્જ સંભાળશે.