જો કે આ અંગે શહેર કોંગ્રેસ પ્રમુખ સંદિપ ધાનાણીએ પણઆકરી પ્રતીક્રિયા આપતો પત્ર પાલિકાનાં ચીફ ઓફિસરને પાઠવેલ છે.પત્રમાં જણાવેલ છે કે,ગુજરાત રાજયનાં મુખ્યમંત્રીના અમરેલી શહેરમાં આગમનને અનુલક્ષીને જે માર્ગ પરથી તેમનો કાફલો પસાર થવાનો છે. તે માર્ગ ઉપર અમરેલી નગરપાલિકા દ્વારા શહેરની ગંદકી, કચરો, તૂટેલ રસ્તા, ગટર અને અવ્યવસ્થાને છુપાવવા માટે આડા પડદા ગોઠવવામાં આવ્યા હોવાની જાણકારી મળી છે.
આ કાર્યવાહી ખૂબ જ નિંદનીય અને જનતાને ભ્રમિત કરનારી છે. શહેરમાં વર્ષોથી ગંદકી, કચરાના ઢગલા, તૂટેલા રસ્તાઓ,ખુલ્લી ગટર અને નગરપાલિકાની નિષ્ફળ કામગીરીથી લોકો પરેશાન છે. પરંતુ આ સમસ્યાઓનો કાયમી ઉકેલ લાવવાના બદલે માત્ર મુખ્યમંત્રીને સાચી પરિસ્થિતિ ન દેખાય તે માટે પડદા ગોઠવીને હકીકત છુપાવવાનો પ્રયાસ કરવામાં આવી રહયો છે.નગરપાલિકાનું કામ શહેરને સ્વચ્છ અને સુવ્યવસ્થિત બનાવવાનું છે, ગંદકી ઉપર પડદા નાખવાનું નહીં જો શહેરમાં ગંદકી અને અવ્યવસ્થા છે. તો તે દુર કરવાની જવાબદારી નગરપાલિકાની છે. માત્ર થોડા કલાક માટે પડદા ગોઠવીને હકીકત છુપાવવી એ નગરપાલિકાની નિષ્ફળતા અને બેદરકારીનો પુરાવો છે. તેમ અંતમાં જણાવેલ છે.