જે મુજબની વિગતવારની ફરીયાદ કમલાબાગ પોલીસ સ્ટેશનમાં જાહેર કરતા પોલીસ દ્વારા હત્યા તથા અન્ય કલમો હેઠળ ગુન્હો નોંધી આરોપીઓને ઝડપી પાડી કોર્ટમાં રજૂ કરતા કોર્ટ દ્વારા આરોપીને જેલહવાલે કરવામાં આવેલ હતા.
ત્યારબાદ સદર ગુન્હાનું ચાર્જશીટ પોલીસ દ્વારા કરવામા આવતા આરોપી શિલ્પાબેન જગદીશભાઇ રાયચુરા દ્વારા જામીનમુકત થવા સારુ તેમના વકીલ દ્વારા જિલ્લા અદાલતમાં જામીન અરજી કરવામાં આવી હતી. જે જામીન અરજીના વિરોધમાં મૂળ ફરીયાદી હિત કિરીટભાઇ પોપટ દ્વારા પોરબંદરના વકીલ એમ.જી. શીંગરખીયાને રોકી જામીન અરજીની સુનવણી સમયે જિલ્લા અદાલતમાં આરોપીને જામીન પર મુકત કરવા સામે સખત વાંધાઓ લેવામાં આવેલ હતા. તેમજ આરોપીના વકીલ દ્વારા જામીન અરજીના સમર્થનમાં વિગતવારની દલીલો કરવામાં આવેલી. જેની સામે ફરીયાદીના વકીલ દ્વારા પણ ધારદાર દલીલો રજુ કરેલી હતી. ત્યારબાદ જિલ્લા અદાલત દ્વારા બન્ને પક્ષોની દલીલો સાંભળી ફરીયાદી તરફે તેમના વકીલ દ્વારા રજુ કરવામાં આવેલ વાંધાઓ તથા દલીલો માન્ય રાખી આરોપી શિલ્પાબેન જગદીશભાઇ રાયચુરાની જામીનની અરજી નામંજૂર કરવાનો હુકમ અદાલતમાં જાહેર કરેલ હતો.
આ કામમાં ફરીયાદી તરફે જે.પી.ગોહેલની ઓફીસ વતી એડવોકેટ એમ.જી. શીંગરખીયા, એન. જી. જોષી, એમ.ડી.જુંગી, વી.જી. પરમાર, રાહુલ એમ. શીંગરખીયા, જિજ્ઞેશ ચાવડા, મયુર સાવનીયા, પી.બી. પરમાર, રીનાબેન ખુંટી, ધર્મેશ શીંગરખીયા, કૌશિક બામણીયા તથા ભાવિન શીંગરખીયા તથા દિવ્યેશ પર્વત રોકાયેલા હતા.